نۇر-سۇلتان قالاسىنداعى №2 كوپبەيىندى بالالار اۋرۋحاناسىندا العاش رەت كاپسۋلانىڭ كومەگىمەن بالانىڭ اسقازان-ىشەك جولدارىنا دياگنوستيكاسى جاسالدى. بۇل تۋرالى اتالعان اۋرۋحانانىڭ حيرۋرگيا قىزمەتىنىڭ جەتەكشىسى رينات بايگەرەيەۆ ءمالىم ەتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«كۇنى كەشە عانا رەسپۋبليكا تاريحىندا العاش رەت ءبىز دەربەس كاپسۋلا ەندوسكوپياسىن جۇرگىزدىك. بۇل دياگنوستيكالىق ءادىس. ياعني ادام كاپسۋلانى جۇتادى، سول ارقىلى ءبىز اسقازان-ىشەك جولدارىنا قاتىستى مالىمەتتەردى بىلە الامىز. ءبىزدىڭ اۋرۋحاناعا اسقازان-ىشەك جولىنان قان كەتەتىن پاسيەنت كەلدى. سونىمەن قاتار اتالعان كاپسۋلا گاستروسكوپيا اسقازان-ىشەك جولىنىڭ جوعارعى جانە كولونوسكوپيا تومەنگى ءبولىمدى تەكسەرۋگە مۇمكىندىك بەرىپ وتىر. ودان بولەك، اسقازان-ىشەك جولدارى بويىنشا قولجەتىمسىز جەرلەردى تەكسەرىپ، دياگنوستيكا جۇرگىزۋگە بولادى. دياگنوستيكانىڭ قورىتىندىسى بويىنشا پاسيەنتكە وتا جاساۋعا قاتىستى شەشىم قابىلدانادى. وسىلايشا كاپسۋلالىق ەندوسكوپيا ءادىسىنىڭ كومەگىمەن ءبىز تولىق كورىنىستى الدىق. ناتيجەسىندە بالاعا وتا جاساۋدىڭ قاجەتى جوق بولدى»،- دەدى رينات بايگەرەيەۆ ب ا ق وكىلدەرىنە ارنالعان باسپا ءسوز تۋرى بارىسىندا.
ونىڭ ايتۋىنشا، اتالعان مەديسينالىق ءادىس الەم بويىنشا العاش 2013 جىلى قولعا الىندى.
«وسى ۋاقىتقا دەيىن كاپسۋلا دياگنوستيكاسى كوپتەگەن ەلدەردە قولجەتىمسىز بولدى، سەبەبى بۇل قىمبات پروسەدۋرا. ەندىگى ۋاقىتتا حيرۋرگتار كاپسۋلالىق ەندوسكوپيا ءادىسىن قولدانۋدى جوسپارلاپ وتىر»، - دەيدى ول.
ايتا كەتسەك، №2 كوپبەيىندى قالالىق اۋرۋحانادا ەلوردا بويىنشا بالالارعا ارنالعان جالعىز حيرۋرگيالىق ستاسيونار ورنالاسقان. تەك ءبىر جىلدىڭ ىشىندە ءمامس جۇيەسى اياسىندا حيرۋرگيالىق بولىمشەنىڭ قابىلداۋ بولىمىنە 26 مىڭ بالا جۇگىندى. حيرۋرگيالىق ستاسيوناردا ونكولوگيا، كارديولوگيا جانە كارديوحيرۋرگيادان باسقا بەيىندى 10 حيرۋرگيالىق بولىمشە بار.