استانادا تۇندە بىرنەشە كولىك سوقتىعىستى، - دەپ حابارلايدى aqshamnews.kz ءتىلشىسى.
استانا قالالىق پوليسيا دەپارتامەنتىنىڭ مالىمەتىنشە، اقان سەرى مەن ۆاسيليي رادلوۆ كوشەلەرىنىڭ قيىلىسىندا BMW كولىگىنىڭ جۇرگىزۋشىسى Chevrolet كولىگىمەن سوقتىعىسقان.
سوقتىعىسۋدان كەيىن BMW قارسى باعىتقا ۇشىپ كەتىپ، تاعى ءبىر Nissan كولىگىنە سوعىلعان.
"تەكسەرۋ بارىسىندا BMW جۇرگىزۋشىسى بۇعان دەيىن كولىك جۇرگىزۋ قۇقىعىنان ايىرىلعان جانە وقيعا كەزىندە ماس كۇيدە بولعانى انىقتالدى"، – دەپ مالىمدەدى دەپارتامەنت.
جول اپاتى سالدارىنان Nissan مەن BMW كولىكتەرىنىڭ جولاۋشىلارى ءتۇرلى جاراقات العان، بىرەۋى اۋرۋحاناعا جەتكىزىلدى.
BMW كولىگى كوممۋنالدىق تۇراققا قويىلدى.
"استانا قالاسىنىڭ پوليسياسى جۇرگىزۋشىلەرگە جول قوزعالىسى ەرەجەلەرىن قاتاڭ ساقتاپ، بارىنشا مۇقيات بولۋدى ەسكەرتەدى"، – دەلىنگەن حابارلامادا.