ەلوردادا تۇرعىن ءۇي قۇرىلىسى الاڭىندا 2 جۇمىسشى جوعارىدان قۇلاپ قايتىس بولدى، دەپ حابارلايدى قالالىق پوليسيا دەپارتامەنتىنىڭ باسپا ءسوز قىزمەتى.
«2023 جىلعى 10 تامىزدا «الماتى اۋداندىق پوليسيا ءبولىمىنىڭ كەزەكشى بولىمىنە «A-City» تۇرعىن ءۇي كەشەنىنىڭ قۇرىلىس وبەكتىسىندە بيىكتەن ەكى ادامنىڭ قۇلاعانى تۋرالى حابارلاما كەلىپ ءتۇستى. ا.بايتۇرسىنوۆ كوشەسىندە سالىنىپ جاتقان 20 قاباتتى تۇرعىن ءۇي كەشەنى قاسبەتتىك جۇمىستاردى جۇرگىزۋ كەزىندە مونتاجداۋ كابەلىنىڭ ءۇزىلۋى سالدارىنان 15ء-شى قابات بيىكتىكتەن 2 جۇمىسشىنىڭ قۇلاعانى انىقتالدى»، - دەلىنگەن حابارلامادا.
پوليسيا دەپارتامەنتىنىڭ اقپاراتىنشا، 20 جانە 27 جاستاعى جۇمىسشىلار وقيعا ورنىندا قايتىس بولعان.
«اتالعان فاكتى بويىنشا ق ر قىلمىستىق كودەكستىڭ 277-بابى 3-بولىگى بويىنشا سوتقا دەيىنگى تەرگەۋ ءجۇرىپ جاتىر. بارلىق قاجەتتى ساراپتاما تاعايىندالدى. ق ر قىلمىستىق كودەكسىنىڭ 201 بابىنا سايكەس وزگە اقپارات جاريالاۋعا جاتپايدى»، - دەيدى ۆەدومستۆودان.