جارىسقا ەلىمىزدىڭ 7 وڭىرىنەن 40-قا جۋىق سپورتشى قاتىسادى، دەپ حابارلايدى Almaty-akshamy.kz.
جارىستىڭ ماقساتى – ارباداعى تەننيس سپورت ءتۇرىن ەلىمىزدە دامىتۋ، قاتىسۋشىلار اراسىندا ۇزدىك سپورتشىلاردى اڭىقتاپ، ۇلتتىق قۇراما ساپىنا ىرىكتەۋ، – دەلىنگەن سپورت جانە دەنە شىنىقتىرۋ ىستەرى كوميتەتىنىڭ باسپا ءسوز قىزمەتى تاراتقان اقپاراتتا.
ايتا كەتسەك، ارباداعى تەننيس – ەلىمىزدە ەندى دامىپ كەلە جاتقان پاراليمپيادالىق سپورت ءتۇرى. بۇل سپورت تۇرىنەن تۇڭعىش رەت قازاقستان چەمپيوناتى الماتى قالاسىندا 2022 جىلى ءوتتى. چەمپيوناتقا 6 وڭىردەن 20 سپورتشى قاتىسقان.