قازاقستاننىڭ جۇپتىق سىنداعى ءبىرىنشى، الەمنىڭ 45-راكەتكاسى الەكساندر نەدوۆەسوۆ ۋماگ (حورۆاتيا) ATP 250 ءتۋرنيرىنىڭ شيرەك فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى ەكۆادورلىق گونسالو ەسكوبارمەن بىرگە باستاپقى ماچىن جارىستىڭ 4-راكەتكالارى، ۋرۋگۆايلىق اريەل بەحار – چەحيالىق ادام پاۆلاشەكپەن وتكىزدى.
ءبىرىنشى پارتيادا قازاقستاندىق-ەكۆادورلىق جۇپ 6:3 ەسەبىمەن باسىم تۇسسە، ەكىنشىسىندە ا.بەحار – ا.پاۆلاشەك ەسە قايىردى – 6:4.
سۋپەر تاي-برەيكتە ا.نەدوۆەسوۆ – گ.ەسكوبار ايقىن باسىمدىلىق تانىتتى – 10:3. ءبىر ساعات 24 مينۋتقا سوزىلعان باسەكە بارىسىندا ولار 4 ەيس جاساپ، 3 برەيك-پوينتتىڭ بىرەۋىن قۇر جىبەرمەدى.
ۋرۋگۆايلىق-چەحيالىق دۋەت تە 4 ەيس، 1 برەيكپەن (5 برەيك-پوينت) كوزگە ءتۇستى.