ورتالىق قىزمەتكەرلەرى ونەرتابىسقا 10 پاتەنت يەگەرى اتاندى.
استانادا 3D پرينتەردە باسىلعان ومىرتقا پاسيەنتكە ءساتتى ورناتىلدى، دەپ حابارلايدى Almaty-akshamy.kz.
ۇلتتىق نەيروحيرۋرگيا ورتالىعى ومىرتقانى يمپلانتقا اۋىستىرۋ بويىنشا عىلىمي جوبانى جۇزەگە اسىردى. ورتالىقتا 4 پاسيەنتكە دەربەس 3D يمپلانتاتتى قولدانا وتىرىپ، ومىرتقانى اۋىستىرۋ وتاسى ءساتتى جۇرگىزىلدى. بۇل تۋرالى دەنساۋلىق ساقتاۋ مينيسترلىگىنىڭ باسپا ءسوز قىزمەتى حابارلادى.
نەيروحيرۋرگيالىق پراكتيكادا العاش رەت «Ghalam» ج ش س عارىش اپپاراتتارىن وندىرۋشىلەرىمەن بىرلەسىپ پاسيەنتكە جەكە 3D ومىرتقا باسىپ شىعارۋ ارقىلى يمپلانتات جاسالدى. گەرمانيانىڭ ۋلم قالاسىنداعى تراۆماتولوگيا جانە بيومەحانيكا ينستيتۋتىندا يمپلانتاتتارعا بيومەحانيكالىق تەستىلەۋ جۇرگىزىلدى.
ۇنو دارىگەرلەرى مانيپۋلياسيا جۇرگىزۋ كەزىندە كومپرەماسيالىق اسەرسىز جۇلىننىڭ اناتوميالىق جانە فۋنكسيونالدىق ماڭىزدى قۇرىلىمدارىن ساقتاۋعا مۇمكىندىك بەرەتىن ومىرتقانى اۋىستىرۋدىڭ ارنايى قۇرىلعىسى مەن ءادىسىن ازىرلەدى.
پاسيەنتتەردى ءبىر جىل بويى باقىلاۋ يمپلانتاتپەن بايلانىستى اسقىنۋلاردى انىقتاعان جوق، ءومىر ساپاسىنىڭ كورسەتكىشتەرى اۋرۋ باستالعانعا دەيىنگى كورسەتكىشتەرگە قايتا ورالدى.
وسى عىلىمي جوبانىڭ قورىتىندىلارى 2-دەن جوعارى يمپاكت-فاكتورى بار بەدەلدى حالىقارالىق رەسەنزيالاناتىن جۋرنالداردا جاريالاندى، سونداي-اق مونوگرافيا جاريالاندى.
ۇلتتىق نەيروحيرۋرگيا ورتالىعىنىڭ قىزمەتى بارىسىندا بارلىعى 7 عىلىمي جوبا، ىسكە اسىرۋ ساتىسىندا تاعى 3 جوبا ورىندالدى. ورتالىق قىزمەتكەرلەرى ونەرتابىسقا 10 پاتەنت يەگەرى اتاندى.