توتەنشە جاعدايلار ءمينيسترى سىرىم ءشارىپحانوۆ استانا ماڭىنداعى قۇرعاق ءشوپ ءورتى قاشان تولىقتاي سوندىرىلەتىنىن ايتتى، دەپ حابارلايدى almaty-akshamy.kz توتەنشە جاعدايلار ءمينيسترىنىڭ باسپا ءسوز قىزمەتىنە سىلتەمە جاساپ.
«جاعداي تۇراقتى، كەشە ساعات 21.00-دە ءورت اۋماعى وقشاۋلانعانىن حابارلادىق. بۇل جەردە ءبىراز جىلدان بەرى جينالعان قۇرعاق قامىس ورتەندى. جەل ەكپىنى كۇشەيگەن كەزدە بىقسىعان قالىڭ ءشوپ قايتا ورتەنۋى مۇمكىن»، - دەدى س. ءشارىپحانوۆ ماجىلىستە تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، ءورتتى تولىقتاي وشىرۋگە شامامەن ءبىر اپتادان اسا ۋاقىت كەرەك.
«بۇعان بىر-ەكى اپتا ۋاقىت كەرەك بولادى. مۇنىڭ بارلىعى اتالعان فاكتورلارعا بايلانىستى. ارينە، ءورت سوندىرۋشىلەر جۇمىسى مەن جاڭبىر ءورتتى تولىقتاي وشىرۋگە ەلەۋلى ىقپال ەتەرى انىق»، - دەدى مينيستر.