ق ر تاۋەلسىزدىگىنىڭ 30 جىلدىعى مەن ەلوردانىڭ تۋعان كۇنىنە وراي الماتىدا بەس ساۋدا ورنى اشىلدى. اشىلۋ سالتاناتىنا جەتىسۋ اۋدانىنىڭ اكىمى گۇلنار كوكەبايەۆا، المالى اۋدانى اكىمىنىڭ ورىنباسارى ەردەن حايرۋللين، بوستاندىق اۋدانى اكىمىنىڭ ورىنباسارى جانار ءسادۋاقاسوۆا، الماتى قالاسى كاسىپكەرلىك باسقارماسىنىڭ ورىنباسارى قانات ساعىندىقوۆ، بازار ديرەكتورلارى مەن كاسىپكەرلەر قاتىستى.
المالى اۋدانىندا جاڭارتىلعان «كارىم» بازارىندا 76 جاڭا جۇمىس ورنىن اشۋ جوسپارلانىپ وتىر، ونىڭ جالپى اۋدانى 20 000 شارشى مەتر. بازاردا ءارتۇرلى سەگمەنتتەگى تاۋار بار. ساۋدا ورىندارىنىڭ سانى 400، ينۆەستيسيا سوماسى 300 ملن.تەڭگە.
جەتىسۋ اۋدانىنداعى «راحات» بازارىنىڭ جالپى اۋدانى 20 000 شارشى مەتر، بازاردا بولاشاقتا 600 جۇمىس ورنى اشىلماق. بازاردا كيىمنەن باستاپ بالىق اۋلاۋعا قاجەتتى تاۋارلاردىڭ بارلىعى ساتىلادى. ساۋدا ورىندارىنىڭ سانى 600، ينۆەستيسيا سوماسى 2 ملرد.تەڭگە.
التىننان جاسالعان بۇيىمدار، كيىمدەر مەن ءتۇرلى تاۋاردى جەتىسۋ اۋدانىنداعى جاڭا «الاتاۋ-1» بازارىنىڭ 4 بلوگىنان تابۋعا بولادى. جالپى اۋدانى 10 000 ش.م، ساۋدا ورىندارىنىڭ سانى 400، ينۆەستيسيا سوماسى 800 ملن. تەڭگەنى قۇرايدى.
جەتىسۋ اۋدانىنداعى «كەرەمەت» بازارىنىڭ جالپى اۋدانى 16 000 شارشى مەتر بولادى، ول 400 ادامدى جۇمىسپەن قامتىماق. جوباعا 300 ملن تەڭگە ينۆەستيسيالاندى.
سونداي-اق، استانا كۇنىنە وراي الماتى قالاسىنىڭ ناۋرىزباي جانە المالى اۋداندارىندا "ماگنۋم" گيپەرماركەتى، بوستاندىق اۋدانىندا "تويمارت" سۋپەرماركەتى، تۇركسىب اۋدانىندا "سۋلپاك" دۇكەنى جانە بوستاندىق اۋدانىندا ورنالاسقان "كوسموس" ءىرى ساۋدا جانە ويىن-ساۋىق كەشەنى اشىلماق.
2019-2020 جىلدارى 16 بازاردىڭ جاڭارتۋ جۇمىستارى باستالدى، ءقازىر 10 بازاردا قۇرىلىس جۇمىستارى ءجۇرىپ جاتىر، 6 بازاردىڭ جوباسى دايىندالۋدا. ينۆەستيسيالاردىڭ جالپى سوماسى 17 ملرد. تەڭگەدەن اسادى، ول 1،5 مىڭ جاڭا جۇمىس ورنىن اشۋعا مۇمكىندىك بەرەدى. بۇگىنگى تاڭدا قالانىڭ جۇمىس ىستەپ تۇرعان 52 بازارىنىڭ 23-ىندە جاڭارتۋ جۇمىستارى ءجۇردى، وعان 20 ملرد.تەڭگەگە جۋىق ينۆەستيسيا سالىنىپ، 2،4 مىڭ ادامدى جۇمىسپەن قامتىدى. وسى جىلدىڭ سوڭىنا دەيىن «قازىنا» (1 كەزەڭ) جانە «ارلان» (1 كەزەڭ) بازارلارىنداعى جاڭارتۋ جۇمىستارى تولىعىمەن اياقتالىپ، پايدالانۋعا بەرىلمەك.