ەلوردالىق ەمحانالاردىڭ باس دارىگەرلەرى قىزىلشاعا قارسى ۆاكسيناسيالاۋعا شاقىراتىن ۆيدەوچەللەندج ءتۇسىردى.
دارىگەرلەر اتا-انالاردى قىزىلشاعا قارسى ۆاكسينا الۋعا شاقىرۋ ميسسياسىندا ءار بالانىڭ دەنساۋلىعى وزىنە تيەسىلى ءارى ماڭىزدى ەكەنىن كورسەتتى.
مەكتەپ جانە مەكتەپ جاسىنا دەيىنگى بالالار ۆاكسينانى تاڭدايدى دەگەن سوزبەن جالعاستىرا وتىرىپ، ەرەسەكتەردى ەكپە الۋعا شاقىردى. بۇل بالالاردىڭ ۆيدەو ءۇشىن تاڭدالۋىنىڭ دا وزىندىك سىرى بار – ولاردىڭ ءبارى ۆاكسيناسيالانعان نەمەسە 6 جاسىندا قىزىلشاعا قارسى جاسىنا بايلانىستى ريەۆاكسيناسيادان وتكەن.
استانا قالاسى دەنساۋلىق ساقتاۋ باسقارماسى حابارلاعانداي ەلوردادا قىزىلشادان 242 ناۋقاس ستاسيونارلىق ەم قابىلداپ جاتىر، ونىڭ 174ء-ى – بالا.
دارىگەرلەر بالالاردىڭ دەنساۋلىعىن تەك ۆاكسيناسيا ارقىلى قورعاۋعا بولاتىنىن كەزەكتى رەت ەسكە سالادى. سەبەبى، بۇل كوپتەگەن جىلدار بويى ءوزىنىڭ تيىمدىلىگىن كورسەتكەن ۆيرۋستىق ينفەكسيانىڭ الدىن الۋدىڭ جالعىز شاراسى.