توعجانوۆ ەلوردا اتاۋىن وزگەرتۋگە قاتىستى تۇسىنىكتەمە بەردى.
ۆيسە-پرەمەر ەلوردانىڭ اتىن اۋىستىرۋعا نەگىز جوق دەيدى، دەپ حابارلايدى Almaty-akshamy.kz
ەرالى توعجانوۆ نۇر-سۇلتان قالاسىنىڭ اتاۋىن قايتادان استانا دەپ اتاۋعا قاتىستى پىكىر ءبىلدىردى.
«ازىرگە مەن بۇل ءۇشىن ەشقانداي نەگىز كورىپ تۇرعان جوقپىن. تاعى قايتالاپ ايتامىن، ازىرگە ەشقانداي نەگىز جوق»، - دەپ قىسقا قايىردى ۆيسە-پرەمەر.
سونداي-اق ول استانا كۇنىن باسقا داتاعا اۋىستىرۋعا قاتىستى دا تۇسىنىكتەمە بەردى. ايتا كەتەرى، ءقازىر قالا كۇنى تۇڭعىش پرەزيدەنت نۇرسۇلتان نازاربايەۆتىڭ تۋعان كۇنىمەن تۇسپا-تۇس كەلەدى.
«ماسەلە كوتەرىلگەن جوق. جىل سايىن نۇر-سۇلتان قالاسىنىڭ تۋعانىن كۇنىن قالاي تويلاساق، سولاي اتاپ وتەمىز. سىزدەر بىلەسىزدەر، بىزدە كوپتەگەن ءىس-شارا جوسپارلانعان. ولار 1 شىلدەدەن باستاپ جوسپارلى تۇردە وتەدى. بارلىق شارالار استانا كۇنى اياسىندا 1-8 شىلدە ارالىعىندا وتكىزىلەدى. ءبىز ءبىر ادامنىڭ تۋعان كۇنىن ەمەس، استانا كۇنىن مەرەكەلەيمىز»، - دەدى ۇكىمەت باسشىسىنىڭ ورىنباسارى.