ونىڭ قۇزىرەتىنە وڭىردەگى مەملەكەتتىك ەتنوسارالىق جانە دياسپورالىق ساياساتتى جۇزەگە اسىرۋ مەن «قوعامدىق كەلىسىم» كمم-نىڭ قىزمەتىن ۇيلەستىرۋ كىرەدى.
جاندار تۇرار ۇلى اسان الماتى وبلىسىنىڭ ەتنوسارالىق قاتىناستاردى دامىتۋ ءبولىمى – قازاقستان حالقى اسسامبلەياسى حاتشىلىعىنىڭ باسشىسى قىزمەتىنە تاعايىندالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
جاندار اسان 1990 جىلعى 12 مامىردا قازىرگى تۇركىستان وبلىسىنىڭ تۇلكىباس اۋدانىندا دۇنيەگە كەلگەن.
2011 جىلى ءال-فارابي اتىنداعى قازاق ۇلتتىق ۋنيۆەرسيتەتىن «قازاق ءتىلى مەن ادەبيەتى» ماماندىعى بويىنشا ۇزدىك بىتىرگەن.
2014 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ماگيستراتۋرا جانە PhD دوكتورانتۋرا ينستيتۋتىن «ادەبيەتتانۋ» ماماندىعى بويىنشا ۇزدىك ءتامامداعان.
گۋمانيتارلىق عىلىمدار ماگيسترى. تۇركيانىڭ جانە پولشانىڭ جەتەكشى جوعارى وقۋ ورىندارىندا عىلىمي تاعىلىمدامالاردان وتكەن.
ەڭبەك جولىن 2011 جىلى باسپا كورپوراسياسىنىڭ باس رەداكتورى رەتىندە باستاعان.
2012-2014 جىلدارى ارالىعىندا – «كتك» تەلەارناسىنىڭ رەداكتور-تىلشىسى، «حابار 24» تەلەارناسىنىڭ باعدارلاما رەداكتورى-جۇرگىزۋشىسى، «شامشىراق» قوعامدىق-ساياسي گازەتىنىڭ باس رەداكتورىنىڭ ورىنباسارى-جاۋاپتى حاتشىسى.
2014-2017 جىلدارى – تاراز مەملەكەتتىك پەداگوگيكالىق ۋنيۆەرسيتەتى رەكتورىنىڭ باسپا ءسوز حاتشىسى، رەكتور اپپاراتىنىڭ باسشىسى، اقپاراتتىق-يميدجدىك ورتالىعىنىڭ باسشىسى.
2017-2022 جىلدارى – قازاق ۇلتتىق قىزدار پەداگوگيكالىق ۋنيۆەرسيتەتىنىڭ باسپا ءسوز جانە قوعاممەن بايلانىس ءبولىمىنىڭ باسشىسى، ماركەتينگ جانە كوممۋنيكاسيا دەپارتامەنتىنىڭ ديرەكتورى.
2022 جىلدىڭ قاراشا ايىنان باستاپ الماتى وبلىسىنىڭ تىلدەردى دامىتۋ باسقارماسىنىڭ ءبولىم باسشىسى م.ا. قىزمەتىن اتقاردى.
جاندار اسان - بىرنەشە دەرەكتى ءفيلمنىڭ جانە ەنسيكلوپەديالىق جيناقتىڭ اۆتورى.
وتاندىق جانە شەتەلدىك عىلىمي جۋرنالداردا 20-عا جۋىق عىلىمي ماقالاسى شىققان. رەسپۋبليكالىق بەدەلدى باسىلىمداردا 500-دەن استام پۋبليسيستيكالىق ماقالاسى جارىق كورگەن.
ق ر ءبىلىم جانە عىلىم ءمينيسترىنىڭ العىس حاتىمەن جانە سالالىق مەدالدارمەن ماراپاتتالعان.