اسقازان وبىرى – الەمدەگى ەڭ ءقاۋىپتى ونكولوگيالىق اۋرۋلاردىڭ ءبىرى. جىل سايىن بۇل دەرتتەن مىڭداعان ادام كوز جۇمادى. ءبىراق بۇل اۋرۋدىڭ الدىن الۋعا نەمەسە ەرتە كەزەڭدە انىقتاۋعا بولادى! سەبەپتەرى، بەلگىلەرى مەن الدىن الۋ جولدارى تۋرالى الماتى ونكولوگيالىق ورتالىعىنىڭ ونكولوگ دارىگەرى نۋرسۇلۋ پۋحاربەكوۆا ايتىپ بەردى.
اۋرۋدىڭ سەبەپتەرى:
- تۇزدالعان، قاقتالعان، قۋىرىلعان تاعامدى ءجيى تۇتىنۋ
- تەمەكى شەگۋ
- الكوگولدى شامادان تىس قولدانۋ
- Helicobacter pylori ينفەكسياسى
- تۇقىمقۋالاۋشىلىق
- 50 جاستان اسقان ادامداردا ءقاۋىپ جوعارى
ونىڭ بەلگىلەرى:
- ءجيى جۇرەك اينۋ، قۇسۋ
- ەتكە جيىركەنىش
- كەنەتتەن سالماق تاستاۋ
- السىزدىك، تەز شارشاۋ
- تاماقتان كەيىن تەز تويىپ قالۋ
- قان قۇسۋ نەمەسە ناجىستە قاننىڭ بولۋى
دياگنوستيكا:
- فگدس (گاستروسكوپيا) + بيوپسيا
- Helicobacter pylori انىقتاۋعا ارنالعان تالداۋ
- ۋدز / كت / مرت
- ونكوماركەرلەر
ەمدەۋ جولدارى:
- حيرۋرگيالىق وپەراسيا
- حيميوتەراپيا
- تارگەتتىك تەراپيا
- يممۋنوتەراپيا
الدىن الۋ:
- كوكونىس پەن جەمىستى كوپ تۇتىنۋ
- تەمەكىدەن باس تارتۋ
- تۇزدى، قۋىرىلعان، قاقتالعان تاعامدى ازايتۋ
- H. pylori-گە تەكسەرىلۋ
- 40 جاستان كەيىن فگدس تاپسىرۋ – مىندەتتى!
ەسىڭىزدە بولسىن: راك نەعۇرلىم ەرتە انىقتالسا – تولىق ەمدەلۋ مۇمكىندىگى سوعۇرلىم جوعارى! دەنساۋلىعىڭىزدى كۇتىڭىز!