ەۋروپالىق وداق ورتالىق ازيا وڭىرىنە 110 ملرد ەۋرودان استام ينۆەستيسيا سالدى. بۇل تۋرالى بىشكەكتە «ەۋروپالىق وداق – ورتالىق ازيا» ەكونوميكالىق فورۋمىندا ق ر ۇكىمەت باسشىسى اسقار مامين ءمالىم ەتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«ورتالىق ازيا ەلدەرى تاۋەلسىزدىگىنىڭ 30 جىلدىعىن اتاپ ءوتىپ جاتقان كەزەڭدە وسى فورۋمنىڭ ۇيىمداستىرىلۋى سيمۆولدىق مانگە يە. وسى مەرزىمدە ءبىزدىڭ ەلدەردىڭ قول جەتكىزگەن پروگرەسى ۇلتتىق ەكونوميكالاردى دامىتۋ مەن ادامداردىڭ ءومىر ساپاسىن كوتەرۋ تۇرعىسىنان الىپ قاراعاندا شىن مانىندە اۋقىمدى بولىپ وتىر. وسى ورايدا بۇل ورلەۋدەگى ەلەۋلى ۇلەس قوسقان ەۋروپالىق سەرىكتەستەرگە الىعىسىمدى جەتكىزگىم كەلەدى»، - دەدى اسقار مامين.
ق ر ۇكىمەت باسشىسى سوڭعى 10 جىلدا ەۋروپالىق وداققا مۇشە ەلدەر وڭىرگە 110 ملرد ەۋرودان استام ينۆەستيسيا سالعانىن جەتكىزدى. بۇل ءوز كەزەگىندە وڭىرگە كەلىپ تۇسكەن تىكەلەي شەتەل ينۆەستيسياسىنىڭ جالپى كولەمىنەن 40 پايىزعا جۋىق ۇلەسىن قۇراپ وتىر.