2021 جىلعى 1 قاراشادا ق ر پرەمەر-مينيسترى اسقار مامين شوتلانديانىڭ گلازگو قالاسىندا كليماتتىڭ وزگەرۋى جونىندەگى بۇۇ نەگىزدەمەلىك كونۆەنسياسىنىڭ الەم كوشباسشىلارى سامميتىنە (سور26) قاتىستى دەپ حابارلايدى almaty-akshamy.kz
ۇكىمەت باسشىسى ءوز سوزىندە قازاقستان الەمدە العاشقىلاردىڭ ءبىرى بولىپ پاريج كەلىسىمىن راتيفيكاسيالاعانىن اتاپ ءوتتى (2016 جىلعى 6 جەلتوقساندا). اتالعان قۇجاتتى جۇزەگە اسىرۋ ءۇشىن ق ر 2030 جىلعا قاراي پارنيكتىك گاز شىعارىندىلارىن 15%-كە قىسقارتۋعا نيەتتى. قويىلعان ماقساتقا قول جەتكىزۋ ءۇشىن قازاقستان ۇلتتىق دەڭگەيدە ايقىندالعان ۇلەسىن (ءۇداۇ) جاڭارتتى، سونداي-اق جاڭا ەكولوگيالىق كودەكستى قابىلدادى.
«قازاقستان جاڭارتىلاتىن ەنەرگيا كوزدەرىنەن الىناتىن ەنەرگيا كولەمىن 3%-تەن 15%-كە دەيىن 5 ەسە، ەكولوگيالىق تازا كوزدەردەن وندىرىلەتىن ەنەرگيا ءوندىرىسىن 20%-تەن 38%-كە دەيىن 2 ەسە ارتتىرادى. 2025 جىلعا قاراي 2 ملرد-تان استام اعاش وتىرعىزۋ ەسەبىنەن كومىرتەكتى ءسىڭىرۋ الەۋەتى ارتادى. كومىردەن وندىرىلەتىن ەنەرگيا ۇلەسى 70%-تەن 40%-كە دەيىن تومەندەيدى دەپ جوسپارلانۋدا»، – دەدى ا.مامين.
پرەمەر-مينيستر 2020 جىلعى جەلتوقسانداعى كليماتتىق امبيسيالار جونىندەگى سامميتتە ق ر پرەزيدەنتى قاسىم-جومارت توقايەۆ قازاقستاننىڭ 2060 جىلعا قاراي كومىرتەكتى بەيتاراپتىققا قول جەتكىزۋ ماقساتىن جاريالاعانىن اتاپ ءوتتى.
ق ر ۇكىمەتى ونى ىسكە اسىرۋ ءۇشىن ەنەرگەتيكا، وڭدەۋ ونەركاسىبى، اۋىل جانە ورمان شارۋاشىلىعى، كولىك، تكش جانە قالدىقتاردى كادەگە جاراتۋعا باسا نازار اۋدارا وتىرىپ، ەكونوميكانىڭ بارلىق سەكتورلارىندا ەلەۋلى رەفورمالاردى كوزدەيتىن ستراتەگيالىق قۇجاتتى ازىرلەۋدى اياقتاۋدا، دەپ حابارلايدى پرەمەر-مينيستردىڭ باسپا ءسوز قىزمەتى.
قازاقستاننىڭ كومىرتەگى بەيتاراپتىعىنا جەر مەن سۋدى پايدالانۋدىڭ ورنىقتىلىعىن، ەكونوميكانىڭ ەنەرگەتيكالىق تيىمدىلىگىن ارتتىرۋ، ەلەكترلەندىرۋ جانە ەكولوگيالىق تازا، ونىڭ ىشىندە جاڭارتىلاتىن ەنەرگيا كوزدەرىن كەڭ اۋقىمدى پايدالانۋ ارقىلى قول جەتكىزىلەتىن بولادى.
پارنيكتىك گاز شىعارىندىلارىن ازايتۋ جوسپارلارىن ىسكە اسىرۋ كەزىندە نارىق تەتىكتەرى مەن جەكە ينۆەستيسيالاردىڭ الەۋەتى بارىنشا پايدالانىلادى. ۇكىمەت باسشىسى قازاقستاننىڭ ورنىقتى دامۋ بويىنشا ورتالىق ازيانىڭ ايماقتىق كليماتتىق حابى بولۋعا بەيىلدىلىگىن راستادى.
بۇل ايماق ەلدەرىنىڭ كۇش-جىگەرىن احقو جاسىل قارجى ورتالىعىنىڭ جانە كليماتتىق كۇن تارتىبىمەن اينالىساتىن باسقا دا ايماقتىق ۇيىمداردىڭ الاڭىندا تەحنولوگيالار ترانسفەرتى، جاسىل قارجىلاندىرۋدى تارتۋ، ءبىلىم مەن يننوۆاسيالار الماسۋ ارقىلى «جاسىل» ەكونوميكالىق ءوسۋدى قامتاماسىز ەتۋدە بىرىكتىرۋگە مۇمكىندىك بەرەدى. سور26 شەڭبەرىندە قازاقستان ورماندار جانە جەردى پايدالانۋ دەكلاراسياسىنا، سونداي-اق جاستارعا ءبىلىم بەرۋ جانە ولاردى تارتۋ مىندەتتەمەسىنە قوسىلدى.
الەم كوشباسشىلارى ءسامميتى كەزىندە قازاقستان ۇكىمەتىنىڭ باسشىسى فينليانديا پرەزيدەنتى ساۋلي نيينەستەمەن، موڭعوليا پرەزيدەنتى ۋحنااگيين حۋرەلسۋحپەن، قىرعىزستان پرەزيدەنتى سادىر جاپاروۆپەن، لاتۆيا پرەزيدەنتى ەگيلس ليەۆيتسپەن، نيدەرلاندى پرەمەر-مينيسترى مارك ريۋتتەمەن، ءۇندىستان پرەمەر-مينيسترى نارەندرا موديمەن جانە اقش پرەزيدەنتىنىڭ كليمات ماسەلەلەرى جونىندەگى ارنايى ۋاكىلى دجون كەرريمەن كەزدەسۋ وتكىزدى.
قازاقستاننىڭ دۇنيەجۇزىلىك ساۋدا ۇيىمىنىڭ 12ء-شى مينيسترلىك كونفەرەنسياسىنا (جەنيەۆا قالاسى، 2021 ج. 30 قاراشا-3 جەلتوقسان) ءتوراعالىق ەتۋگە دايىندىعى اياسىندا ق ر پرەمەر-مينيسترى ا.مامين دسۇ باس ديرەكتورى نگوزي وكوندجو-يۆەالامەن جانە ۇلىبريتانيانىڭ مەملەكەتتىك سىرتقى ساۋدا ءمينيسترى ەنن-ماري تريەۆەليانمەن كەزدەستى.
ساپار جانە ەكىجاقتى كەزدەسۋلەر قورىتىندىسى بويىنشا قازاقستان رەسپۋبليكاسى مەن ۇلىبريتانيا جانە سولتۇستىك يرلانديا قۇراما كورولدىگى ۇكىمەتتەرىنىڭ كليماتتىڭ وزگەرۋىنە ءۇن قاتۋ جونىندەگى ستراتەگيالىق سەرىكتەستىك جانە بىرلەسكەن كۇش-جىگەر تۋرالى بىرلەسكەن مالىمدەمەسى قابىلداندى. قۇجات قورشاعان ورتانى قورعاۋ، ەكونوميكانى دەكاربونيزاسيالاۋ سالاسىنداعى ىنتىماقتاستىقتى نىعايتۋدى، جاڭارتىلاتىن ەنەرگيا كوزدەرىن دامىتۋ، «جاسىل» قارجىلاندىرۋ، ورمانداردى ساقتاۋ، جەردى پايدالانۋدىڭ تيىمدىلىگىن ارتتىرۋ جانە ت.ب. سالالارداعى قازاقستاننىڭ الەۋەتىن ىسكە اسىرۋدى كوزدەيدى.
«قازاقستان تاۋەلسىزدىك العان جانە ديپلوماتيالىق قاتىناستار ورناتىلعان ساتتەن باستاپ 30 جىل ىشىندە قازاقستان مەن ۇلىبريتانيا ءوز بايلانىستارىن ءوزارا سەنىمگە، ورتاق قۇندىلىقتار مەن ءتيىمدى ىنتىماقتاستىققا نەگىزدەلگەن بەرىك سەرىكتەستىككە اينالدىردى»، – دەپ اتاپ وتىلگەن بىرلەسكەن مالىمدەمەدە.