قۇتتىقتاۋعا سەبەپ – اقىلبەك جاپاروۆتىڭ قىرعىز رەسپۋبليكاسى مينيسترلەر كابينەتىنىڭ ءتوراعاسى قىزمەتىنە تاعايىندالۋى.
قازاقستان رەسپۋبليكاسىنىڭ پرەمەر-مينيسترى اسقار مامين اقىلبەك جاپاروۆقا قىرعىز رەسپۋبليكاسى مينيسترلەر كابينەتىنىڭ ءتوراعاسى قىزمەتىنە تاعايىندالۋىنا بايلانىستى قۇتتىقتاۋ جولدادى، دەپ حابارلايدى Almaty-akshamy.kz
قۇتتىقتاۋ حاتى قىرعىز رەسپۋبليكاسى ۇكىمەتىنىڭ سايتىندا جاريالاندى.
قازاقستان پرەمەر-مينيسترى بىرلەسكەن كۇش-جىگەر رەسپۋبليكالار اراسىنداعى قاتىناستاردىڭ بارلىق سپەكترىندە ءوزارا ارەكەتتەستىكتى ودان ءارى دامىتۋعا ىقپال ەتەتىنىن اتاپ ءوتتى.
«ەكى مەملەكەت اراسىنداعى ءداستۇرلى تۇردە باۋىرلاستىق پەن تاتۋ كورشىلىك پرينسيپتەرىنە نەگىزدەلگەن ءوزارا ءتيىمدى جانە سىندارلى ىنتىماقتاستىق ءبىزدىڭ ەل حالىقتارىنىڭ نەگىزگى مۇددەلەرىنە سايكەس كەلەدى»، - دەدى ول.
اسقار مامين اقىلبەك جاپاروۆقا مىقتى دەنساۋلىق، باق-بەرەكە جانە مەملەكەت يگىلىگى جولىنداعى قىزمەتىندە ساتتىلىك، ال قىرعىز حالقىنا بەيبىتشىلىك پەن وركەندەۋ تىلەدى.