اكادەميك اسقار جۇمادىلدايەۆ عىلىمعا بولىنەتىن قارجىنىڭ تيىمدىلىگىنە نازار اۋدارىپ، ونىڭ ءبولىنىسىن قايتا قاراۋ قاجەتتىگىن ۇسىندى. ونىڭ ايتۋىنشا، عىلىمعا بولىنگەن قاراجاتتىڭ 30%-ى عىلىم اكادەمياسىنا، 70%-ى عىلىم جانە جوعارى ءبىلىم مينيسترلىگىنە قالۋى ءتيىس.
"مينيسترلىك ءبىرىڭعاي ادىسپەن گرانتتاردى تاراتسىن. الايدا گرانتتاردى بولۋدە مەملەكەتتىڭ مۇددەسى ەسكەرىلۋى كەرەك. اكادەميا وسى مۇددەنى قاداعالاۋعا مىندەتتى. ءبىز جىلىنا 2 500 ۇساق گرانت بولگەنشە، 3-4 ءىرى گرانت بەرىپ، ولاردى اۋقىمدى عىلىمي ماسەلەلەردى شەشۋگە باعىتتاۋىمىز كەرەك. بىزدە وعان قاجەتتى ءبىلىم دە، عالىمدار دا بار،" – دەدى ول.
وسىلايشا، اسقار جۇمادىلدايەۆ عىلىمي قارجىلاندىرۋ جۇيەسىن جاڭعىرتىپ، ونىڭ تيىمدىلىگىن ارتتىرۋ ءۇشىن پارلامەنتتىڭ شەشىم قابىلداۋ قۇقىعىن قاراستىرۋدى ۇسىندى.