ءماجىلىس ءتوراعاسى ەرلان قوشانوۆ «حالىقپەن بىرگە» قاعيداسىنىڭ مەملەكەت باسشىسىنىڭ ساياساتىنىڭ نەگىزگى وزەگىنە اينالعانىن اتاپ ءوتتى. ونىڭ ايتۋىنشا، قوعامدى الاڭداتقان بارلىق وزەكتى ماسەلە ءماجىلىس قابىرعاسىندا اشىق تالقىلانىپ، بىرتىندەپ شەشىمىن تابۋدا.
"كونستيتۋسيالىق سوتتىڭ قۇرىلۋى – قۇقىق ۇستەمدىگىن قامتاماسىز ەتۋدەگى ماڭىزدى قادام" دەپ اتاپ وتكەن ەرلان قوشانوۆ بۇل ينستيتۋتتىڭ ازاماتتاردىڭ قۇقىقتارىن قورعاۋداعى ءرولىن ەرەكشە اتاپ ءوتتى. سونىمەن قاتار، ول قازاقستاننىڭ حالىقارالىق ساياسي ۇدەرىستەردە ماڭىزى ارتىپ كەلە جاتقانىن جەتكىزدى.
ۇلتتىق قۇرىلتايدىڭ مانىنە توقتالعان ءماجىلىس ءتوراعاسى:
"ۇلتتىق قۇرىلتاي – جاي عانا فورۋم ەمەس، ءتۇرلى پىكىرلەر ايتىلاتىن ماڭىزدى الاڭ. دەپۋتاتتار مەملەكەت باسشىسى كوتەرگەن الەۋمەتتىك ماسەلەلەردىڭ شەشىمىن تابۋ جولىندا بىرلەسىپ جۇمىس ىستەپ جاتىر" – دەدى.
سونداي-اق، حالىقتىڭ جەرگىلىكتى بيلىككە دەگەن سەنىمى ارتىپ كەلە جاتقانىن ايتىپ:
"قازىرگى ۋاقىتتا تۇرعىنداردىڭ سايلانعان اكىمدەرگە دەگەن سەنىمى بۇرىنعىدان دا كۇشەيدى" – دەدى.
ەلىمىزدە جۇزەگە اسىرىلىپ جاتقان ساياسي رەفورمالار مەن الەۋمەتتىك باستامالار حالىقتىڭ ءال-اۋقاتىن جاقسارتۋعا باعىتتالعان ناقتى ءارى جۇيەلى قادام ەكەنى ءسوزسىز.