باس اۋىرا قالسا، ءبارىمىز جاتقا بىلەتىن ءدارى - ول اسپيرين. ءاسپيريندى دارىگەردىڭ نۇسقاۋىنسىز ءوز بەتتەرىنشە قولداناتىن ادامدار جەتكىلىكتى. ءتىپتى ءدارىحانادان ونىڭ بىرنەشە وراماسىن ءبىراق الىپ قويىپ جاتامىز. ءبىراق بۇلاي جاساۋ دارىگەرلەردىڭ سوزىنشە بەكەر ەكەن. سەبەبى كەز كەلگەن ءدارىنى تۇتىنباس بۇرىن مامانمەن كەڭەسۋ كەرەك.
رەسەيلىك كارديولوگ زاكييەۆ ءاسپيريندى قابىلداۋ ينسۋلتقا اكەلىپ، سوڭى قان كەتۋگە اكەلۋى مۇمكىن ەكەنىن ايتادى.
ءاسپيريندى ەشبىر نەگىزسىز قابىلداۋ اۋىر زارداپتارعا، سونىڭ ىشىندە قان كەتۋ ينسۋلتىنە اكەلۋى مۇمكىن. بۇل تۋرالى رگسۋ مەديسينا فاكۋلتەتىنىڭ فارماكولوگيا جانە كلينيكالىق فارماكولوگيا كافەدراسىنىڭ وقىتۋشىسى، كارديولوگ ۆاديم زاكييەۆ مالىمدەدى.
ول اسپيرين پاسيەنتتەرگە قايتالاناتىن يشەميالىق ينفاركت پەن ينسۋلتتان ساقتاۋ ءۇشىن تاعايىندالاتىنىن ءتۇسىندىردى. دارىلىك پرەپاراتتى اشىق جارالار مەن قان كەتۋ كەزىندە قولدانۋعا بولمايدى.
سونداي-اق، پرەپاراتتى دەنە كوگەرىپ، مۇرىننان قان كەتكەن كەزدە دە قابىلداۋعا كەڭەس بەرىلمەيدى. الايدا، دارىگەردىڭ ايتۋىنشا، بۇل جاعدايدا ولاردىڭ ماڭىزدىلىعىن باعالاۋ قاجەت.
ءاسپيريندى ميوكارد ينفاركتىسى، يشەميالىق ينسۋلت، ايقىن اتەروسكلەروز، جۇرەكتىڭ يشەميالىق اۋرۋى جانە جۇرەك جۇمىسىنا بايلانىستى باسقا اقاۋلار كەزىندە جۇرەك-قان تامىرلارى اۋرۋلارى بار ادامدار قولدانادى. پرەپاراتتى تەك دارىگەر تاعايىنداي الادى، ول سونىمەن قاتار، ءدارىنىڭ پايداسى مەن ودان بولۋى مۇمكىن ءقاۋىپتىڭ تەپە-تەڭدىگىن قالاي ەسەپتەگەنىن ءتۇسىندىرۋى كەرەك. ولاي بولماعان جاعدايدا، دارىگەردىڭ بىلىكتىلىگىنىڭ تومەن ەكەنىن كورسەتەدى، دەپ اتاپ ءوتتى زاكييەۆ.
كوپتەگەن ادامدار ءاسپيريندى جىلدار بويى قولدانىپ كەلەدى، ءبىراق ودان بولاتىن جاعىمسىز اسەرى دە كوپ، سونىڭ ىشىندە: قىجىل، اسقازان اۋرۋى، اسقازان جاراسى جانە ىشكى قان كەتۋلەر. زاكييەۆ اتاپ وتكەندەي، ونىڭ تاجىريبەسىندە ءاسپيريننىڭ نەگىزسىز تاعايىندالۋىنان زارداپ شەككەن ناۋقاس بولعانىن ايتتى. سالدارىنان ناۋقاستىڭ ميىنا قان كەتكەن (گەمورراگيالىق ينسۋلت). دارىگەردىڭ ءوزى ءاسپيريندى ۇزاق ۋاقىت قابىلداماعانىن ايتتى.
زاكييەۆ ارىپتەستەرىنە جۇرەك-قان تامىرلارى اۋرۋلارىنىڭ الدىن الۋ ءۇشىن ستاتيندەردى تاعايىنداۋدى ۇسىندى. ولار «جامان حولەستەريندى» جانە ميوكارد ينفاركتىسى مەن ينسۋلت ءقاۋپىن ازايتادى. بۇل جاعدايدا ولاردىڭ جاناما اسەرلەرى از بولادى.