ق ر قورعانىس ءمينيسترىنىڭ ورىنباسارى دارحان احمەدييەۆ اسكەريلەر اراسىنداعى سۋيسيدكە تولەنبەگەن نەسيەلەر دە سەبەپكەر بولىپ جاتقانىن ايتتى، دەپ حابارلايدى اalmaty-akshamy.kz.
«بىزگە 18 جاستاعى جىگىتتەر بورىشىن وتەۋگە كەلەدى. سولاردىڭ ىشىندە، وكىنىشكە قاراي، موينىندا 9 ملن تەڭگە تۇرمىستىق جانە باسقا دا نەيەسى بار ساربازدار بولدى. بۇل – ءبىر سەبەبى. ياعني، بۇدان دا بولەك الەۋمەتتىك پروبلەمالار بار. سونىڭ ءبارى ءسۋيسيدتىڭ تريگگەرى بولىپ جاتىر. جالپىلاما ايتۋ قيىن. ءار جاعدايدى جەكە الىپ قاراۋ كەرەك. ءار جاعدايدا ءبىر ءومىر قيىلىپ جاتىر. سوندىقتان سەبەبىن جالپىلاما سيپاتتاپ ايتۋعا بولمايدى»، - دەدى ول ورتالىق كوممۋنيكاسيالار قىزمەتىندە وتكەن بريفينگىدە.
ۆيسە-مينيستر بيىل تىركەلگەن قايعىلى وقيعالاردىڭ سەبەبىنە دە توقتالدى.
«بىزدە بولعان 4 قايعىلى جاعداي تۋرالى ايتساق، ەكەۋى وتباسىنداعى تۇرمىستىق داۋدان بولعان. قالعان ەكەۋى بويىنشا تەرگەۋ شارالارى ءجۇرىپ جاتىر. سوندىقتان ناقتى مالىمەت ايتا المايمىن»، - دەدى دارحان احمەدييەۆ.