الەمدە مايمىل شەشەگىنەن بىرنەشە ادام ءولىمى تىركەلدى.
وقيعالار پەرۋ، ءۇندىستان، يسپانيا مەن برازيليا ەلدەرىندە ورىن العان. جالپى، بۇگىنگى كۇنى مايمىل شەشەگىن جۇقتىرۋ بويىنشا اقش كوش باستاپ تۇر، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
قازىرگى ساتكە دەيىن مۇندا ءقاۋىپتى ينفەكسياعا شالدىققاندار سانى 5 مىڭنان اسادى. اۋرۋعا بايلانىستى توتەنشە جاعداي جاريالانعان سان-فرانسيسكو قالاسىندا ۆاكسينالاۋ ورتالىعىندا جۇزدەگەن ادام ۇزىن-سونار كەزەكتە تۇر.
«بىزگە وتكەن جۇمادا 4 مىڭعا جۋىق جاڭا ەكپە اكەلىندى. ءبىراق بۇل پارتيا وسى اپتانىڭ اياعىنا دەيىن تاۋسىلاتىن شىعار. ال جوعارىدان بەرىلگەن نۇسقاۋعا سايكەس، قالا بويىنشا 40 مىڭداي تۇرعىن ۆاكسينا سالدىرۋعا ءتيىس»، - دەيد اۋرۋحانانىڭ باس دارىگەرى ليۋكدجون دەي.