بوگەتتەر جاساۋ ءۇشىن 2،5 مىڭنان اسا قاپ قۇم دايىندادى
باتىس قازاقستان وبلىسى اكىمىنىڭ ءوتىنىشى بويىنشا ق ر قارۋلى كۇشتەرى اۋماقتىق قورعانىس بريگاداسىنىڭ جەكە قۇرامى سۋ تاسقىنىنا قارسى ءىس-قيمىلعا قوسىلدى، دەپ حابارلايدى Almaty-akshamy.kz.
كۇن جىلىپ، قاردىڭ قارقىندى ەرۋى ورال – سامارا جولىن جانە وبلىس ورتالىعىنىڭ «زاشاعان» شاعىن اۋدانىنداعى بىرنەشە ءۇيدىڭ سۋ باسۋىنا اكەپ سوقتى.
– ءبىزدىڭ بولىمشە سۋعا توسقاۋىل قويۋ ءۇشىن قالاعا كومەك كورسەتۋ قاجەت ەكەنى تۋرالى حابارلاماعا شۇعىل شەشىم قابىلدادى. كەشە جۇمىسقا 35 اسكەري قىزمەتشى جۇمىلسا، بۇگىن تاعى دا 18 ادام قاتارعا قوسىلدى، – دەدى 99250 اسكەري ءبولىمىنىڭ كومانديرى پولكوۆنيك راسۋل زاكيروۆ.
اسكەري ءبولىمنىڭ جەكە قۇرامى توتەنشە جاعدايلار مينيسترلىگى مەن «جايىق تازا قالا» ج ش س بولىمشەلەرىنىڭ ماماندارىمەن تىعىز بايلانىستا جۇمىس ىستەپ جاتىر. قازىرگى ۋاقىتتا اسكەري قىزمەتشىلەر بوگەتتەر جاساۋ ءۇشىن 2،5 مىڭنان اسا قاپ قۇم دايىندادى.