«اسكەري قۇرىلىس» اق باسشىلىعى بيۋدجەت قاراجاتىن جىمقىردى دەگەن كۇدىككە ءىلىندى

«اسكەري قۇرىلىس» اق باسشىلىعى بيۋدجەت قاراجاتىن جىمقىردى دەگەن كۇدىككە ءىلىندى، دەپ حابارلايدى Almaty-akshamy.kz.  

سىبايلاس جەمقورلىققا قارسى قىزمەت «اسكەري قۇرىلىس» اق بۇرىنعى پرەزيدەنتى ە. تاجيدەنوۆتىڭ جانە باسقالاردىڭ باسشىلىعىمەن ۇيىمداسقان قىلمىستىق توپقا قاتىستى سوتقا دەيىنگى تەرگەۋدى اياقتادى.

«11 ادام قىلمىستىق جاۋاپكەرشىلىككە تارتىلدى. ونىڭ ىشىندە تۋعان اعاسى مەن جيەنى، سونداي-اق تاجيدەنوۆتىڭ قاراماعىنداعى «اسكەري قۇرىلىس» ج ش س مەن ونىڭ استانا قالاسى بويىنشا فيليالىنىڭ قارجىلىق جانە كورپوراتيۆتىك قىزمەتىنە جاۋاپتى قاراماعىنداعى ادامدار بار»، - دەپ اتاپ ءوتتى انتيكور وكىلدەرى.

ولار تاۋارلار مەن قىزمەتتەردى ساتىپ الۋعا، وتەۋسىز قارجىلىق كومەك كورسەتۋگە ۇلەستەس كومپانيالارمەن جالعان شارتتار جاساسۋ ارقىلى اسا ءىرى كولەمدە بيۋدجەت قاراجاتىن جىمقىردى دەپ كۇدىكتەنەدى،-دەپ جازادى Azattyq Ruhy.

«زالالدىڭ جالپى سوماسى 596 ملن تەڭگەنى قۇرايدى. ونى وتەۋ ماقساتىندا قىلمىستىق جولمەن الىنعان مۇلىككە تىيىم سالىندى»، - دەلىنگەن حابارلامادا.

قازىرگى ۋاقىتتا ايىپتالۋشىلار سوتقا بەرىلدى.

«كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەپ ەسكەرتەدى ۆەدومستۆو وكىلدەرى.