12 شىلدەدە ۇلتتىق ەكونوميكا ءمينيسترى الىبەك قۋانتىروۆ ۇكىمەت وتىرىسى كۋلۋارىندا اعاسىنىڭ «قازاتومونەركاسىپ» ۇك-عا باسشىلىق قىزمەتكە تاعايىندالۋىنا قاتىستى پىكىر ءبىلدىردى، دەپ حابارلايدى Almaty-akshamy.kz Zakon.kz-كە سىلتەمە جاساپ.
بۇعان دەيىن ب ا ق ۇلتتىق ەكونوميكا ءمينيسترى الىبەك قۋانتىروۆتىڭ اعاسى ەرمەك قۋانتىروۆ «قازاتومونەركاسىپ» ۇاك-نىڭ قۇقىقتىق قامتاماسىز ەتۋ جانە ساتىپ الۋلار جونىندەگى باس ديرەكتورى بولدى» دەگەن اقپارات تاراتقان ەدى. ب ا ق وكىلدەرى ۇەم باسشىسىنان بۇل جاعدايعا تۇسىنىكتەمە بەرۋدى سۇرادى.
«شىنىمەن دە، ول - مەنىڭ اعام. بۇل جەردە نەپوتيزم (تۋىسقان، اعايىن-تۋىس، جاقىن-جۇرتتى تارتۋ. – رەد.) جوق. مەنىڭ بۇعان ەش قاتىسىم جوق. ءتۇسىنىپ تۇرسىز: ول ادام زاڭدى تاعايىنداۋ پروسەدۋرالارىنان وتكەن. ول كولۋمبيا ۋنيۆەرسيتەتىندەگى ەڭ جاقسى زاڭ مەكتەپتەرىنىڭ ءبىرىن بىتىرگەن. ول - پرەزيدەنتتىڭ كادرلار رەزەرۆىنىڭ مۇشەسى. وعان كىرۋ وڭاي ەمەس، پروسەدۋرالاردان ءوتۋ قيىن. مەن ءوزىم قاتىستىم، ونىڭ نە ەكەنىن بىلەمىن. ال رەزەرۆتەگىلەر كىرۋدىڭ قانشالىقتى قيىن بولعانىن بىلەدى. ونىڭ حالىقارالىق قۇقىق سالاسىندا، سوت جۇيەسىندە تاجىريبەسى بار، وسى سالادا 13 جىل قىزمەت ەتتى»، - دەدى الىبەك قۋانتىروۆ.
جالپى ءمينيستردىڭ ايتۋىنشا، ونىڭ اعاسى تالاپتارعا ساي كەلىپ، زاڭدى تۇردە «قازاتومونەركاسىپتە» قىزمەت اتقارعان.
سونىمەن قاتار ب ا ق وكىلدەرى مينيستردەن «اعاڭىزعا سۇحباتتان ءساتتى ءوتۋدىڭ قانداي دا ءبىر جولدارىن ۇسىندىڭىز با؟» دەپ سۇرادى.
«وتە قىزىق سۇراق. وتباسىندا ەكەۋمىز. بىلەسىز بە، ول مەنىڭ اعام، مەن وعان بالا كەزىمنەن دۇرىس تاربيە، مىنەز-قۇلىق جانە تاعى باسقا بويىنشا ءبىراز كەڭەس بەرىپ كەلەمىن. وسىمەن بولدى»، - دەدى - ۇەم باسشىسى.
بۇعان دەيىن حابارلاعانىمىزداي، ق ر ۇلتتىق ەكونوميكا ءمينيسترى الىبەك قۋانتىروۆتىڭ اعاسى ەرمەك قۋانتىروۆ «قازاتومونەركاسىپ» ۇاك-نىڭ قۇقىقتىق قامتاماسىز ەتۋ جانە ساتىپ الۋلار جونىندەگى باس ديرەكتورى بولىپ تاعايىندالدى.