ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتىندا الەۋمەتتىك جەلىلەر مەن ينتەرنەت-كەڭىستىكتە تانىمال تۇلعا، قوعام بەلسەندىسى نۇرلان يمام مىرزا كۋرسانتتارمەن جانە اسكەري ينستيتۋتقا ءتۇسۋشى تالاپكەرلەرمەن كەزدەسۋ وتكىزدى.
كەزدەسۋ بارىسىندا نۇرلان يمام جاستار اراسىنداعى ءدىني ەكسترەميزم مەن تەرروريزمنىڭ الدىن الۋ، ولاردىڭ الدىن الۋ جولدارى تۋرالى تەرەڭ مازمۇندى اڭگىمە قوزعادى. سونداي-اق، ول اسكەري-پاتريوتتىق تاربيەسىنىڭ ماڭىزدىلىعىن اتاپ ءوتىپ، ءپاتريوتيزمدى جاستار ساناسىنا ءسىڭىرۋدىڭ ءتيىمدى ادىستەرىن ءبولىستى، دەپ حابارلايدى aqshamnews.kz.
كەزدەسۋ ەرەكشە بەلسەندىلىكپەن ءوتىپ، كۋرسانتتار مەن تالاپكەرلەر وزدەرىن تولعاندىرعان سۇراقتارىن قويىپ، قوناقتىن جاۋاپتارىن ىنتامەن تىڭدادى. بارلىق سۇراقتارعا تولىققاندى جاۋاپتار بەرىلىپ، قاتىسۋشىلاردىڭ العان اسەرلەرى جوعارى باعالاندى.
بۇل كەزدەسۋ جاستاردىڭ رۋحاني-ادامگەرشىلىك قۇندىلىقتارىن نىعايتۋعا، ولاردىڭ ەل قورعاۋ جولىنداعى جاۋاپكەرشىلىگىن ارتتىرۋعا باعىتتالعان ماڭىزدى قادام بولدى.
اسكەري ينستيتۋتتا رۋحاني تاربيە تالقىلاندى
- اۆتور aqshamnews.kz
- 14:10، 17 تامىز 2025
سۋرەت: ۆيدەودان سكرين