ق ر قورعانىس مينيسترلىگىنىڭ اسكەري كلينيكالىق گوسپيتالى مەن الماتى جولاۋشىلار كولىگى جانە تەحنولوگيالار كوللەدجى ءوزارا ىنتىماقتاستىق جانە «جاس دارىگەر» اسكەري-پاتريوتتىق كلۋبىن قۇرۋ تۋرالى مەموراندۋمعا قول قويدى.
شارتتىڭ نەگىزگى ماقساتى – جاستاردىڭ باستامالارىنا قولداۋ كورسەتۋ، بىرلەسكەن جوبالاردى ىسكە اسىرۋ، سونداي-اق وسكەلەڭ ۇرپاقتى اسكەري-پاتريوتتىق ءىس-شارالارعا كەڭىنەن تارتۋ، دەپ حابارلايدى اlmaty-akshamy.kz.
ق ر قورعانىس مينيسترلىگى اسكەري كلينيكالىق گوسپيتالىنىڭ باستىعى مەديسينا قىزمەتىنىڭ پودپولكوۆنيگى اسقار رىسبايەۆ اسكەري-پاتريوتتىق كلۋبتار جاستاردىڭ بوس ۋاقىتىن ۇيىمداستىرۋ ءۇشىن ماڭىزدى الەۋمەتتىك-پەداگوگيكالىق نەگىز بولىپ تابىلاتىنىن اتاپ ءوتتى.
– كلۋبقا ون بەس ستۋدەنت قوسىلدى. ءبىز ولارعا العاشقى مەديسينالىق كومەك كورسەتۋ داعدىلارىن ۇيرەتەمىز. بۇل ءبىلىم ولاردىڭ ومىرىندە پايدالى بولۋى مۇمكىن، – دەدى ول.
كەزدەسۋ بارىسىندا جاستارعا اسكەري-پاتريوتتىق تاربيە بەرۋدى دامىتۋ بويىنشا بىرلەسكەن ءىس-قيمىل جوسپارى بەكىتىلدى. ولاردىڭ قاتارىندا كەزدەسۋلەر، سپورتتىق ءىس-شارالار، ءتۇرلى كونفەرەنسيالار، سەمينارلار مەن كونكۋرستار وتكىزۋ بار.
بۇگىنگى تاڭدا ق ر قارۋلى كۇشتەرىنىڭ باس اسكەري-مەديسينالىق باسقارماسى الماتى، تالدىقورعان جانە تاراز قالالارىنداعى ورتا وقۋ ورىندارىنىڭ بازاسىندا ءۇش «جاس دارىگەر» اسكەري-پاتريوتتىق كلۋبىن اشتى. وندا اسكەري دارىگەرلەر وقۋشىلارعا اسكەري-مەديسينالىق دايارلىق نەگىزدەرىن ۇيرەتەدى.
