جامبىل وبلىسىندا اسكەري بولىمدەگى جارىلىس سالدارىنان وقيعا ورنىنا تاقاۋ ورنالاسقان ءۇش ەلدى مەكەننىڭ تۇرعىندارى ەۆاكۋاسيالاندى، دەپ حابارلايدى almaty-akshamy.kz
جامبىل وبلىسىنىڭ بايزاق اۋدانىنا قاراستى قاينار اۋىلىندا ورنالاسقان ق ر قورعانىس مينيسترلىگىنىڭ №28349 اسكەري بولىمىندە (ينجەنەرلىك-ساپەرلىك بريگادا) ءوق-دارى قويماسىنان ءورت شىققانى تۋرالى حابارلاما ساعات 19:10-دا تۇسكەن. ال 250 تۇرعىنى بار قاينار اۋىلى وقيعا ورنىنان 1 شاقىرىم دا بولمايتىن قاشىقتىقتا ورنالاسقان. تۇرعىندار ەۆاكۋاسيالانعان.
ۇزىندىعى 41 مەتر، ەنى 17 مەترلىك ءوق-دارى قويماسى ورتەنىپ جاتىر. قويمادا ەكى ۇلكەن جارىلىس بولعان. وبلىستىق تجد-نىڭ ءبىر قىزمەتكەرىنىڭ جاراقاتتانعانى تۋرالى اقپارات بار.
دابىل بەلگىسىمەن وبلىستىق پوليسيا دەپارتامەنتىنىڭ جەكە قۇرامى (300 ادام) جانە 5513 اسكەري ءبولىمىنىڭ جەكە قۇرامى (520 ادام) قاۋىپسىزدىكتى ساقتاۋ جۇمىستارىنا جۇمىلدىرىلدى.
وقيعا ورنىنا جەدەل جاردەم بريگاداسىنىڭ جانە وبلىستىق توتەنشە جاعدايلار دەپارتامەنتىنىڭ 30 توبى جىبەرىلدى. اپات بولعان جەرگە باراتىن بارلىق جولدار، ونىڭ ىشىندە تەمىرجول ۋاقىتشا جابىلدى. جاقىن ماڭداعى بازارباي، ءۇش-بۇلاق، جاڭاتۇرمىس اۋىلدارىنىڭ تۇرعىندارى ءقاۋىپسىز ايماققا كوشىرىلۋدە. قوعامدىق ءتارتىپتى قورعاۋ جانە توناۋدىڭ الدىن الۋ ماقساتىندا ەۆاكۋاسيالانعان ەلدى مەكەندەردى پاترۋلدەۋ ۇيىمداستىرىلدى.
بايزاق اۋدانىندا جەدەل شتاب قۇرىلدى، ونى وبلىس اكىمى ب.ساپاربايەۆ باسقارۋدا.
«الماتى-تاراز» جولدارىن وبلىستىڭ جول پوليسياسىنىڭ 3 ەكيپاجى، «تاراز-الماتى» 5 ەكيپاجى ۋاقىتشا جاۋىپ تاستادى.
تاراز قالاسىنىڭ N1 قالالىق اۋرۋحاناسىنا ءتۇرلى جاراقاتپەن 32 ادام ءتۇستى.