جامبىل وبلىسىنداعى اسكەري بولىمدە 10-نان استام جارىلىس بولعان. بۇل تۋرالى ق ر قورعانىس ءمينيسترى نۇرلان ەرمەكبايەۆ ءمالىم ەتتى، دەپ حابارلايدى almaty-akshamy.kz
«26 تامىز كۇنى ساعات 18:45-تە وڭتۇستىك وڭىرلىك قولباسشىلىعىنىڭ ينجەنەرلىك وق-دارىگەر بازاسىندا قويمالاردىڭ بىرىنەن ءورت شىقتى. ءورتتى سوندىرۋگە اسكەري ءبولىمنىڭ قۇرامىندا 3 توپ بار ءورت ءسوندىرۋ كومانداسى شۇعىل كىرىسكەن. اسكەري ءبولىم بويىنشا كەزەكشى بۇل جايىندا وڭتۇستىك وڭىرلىك قولباسشىلىق قولباسشىسى جەدەل كەزەكشىلىك باسقارماسىنا حابارلاعان»، - دەدى مينيستر جامبىل وڭىرلىك كوممۋنيكاسيالار قىزمەتىندەگى باسپا ءسوز ءماسليحاتى بارىسىندا.
ونىڭ ايتۋىنشا، باستاپقى كەزەڭدە ءورتتى سوندىرۋگە 500 ادام جۇمىلدىرىلعان. كەيىن ولاردىڭ سانى 1 مىڭ ادامعا، ءورت ءسوندىرۋ ماشينالارىنىڭ سانى 24-كە جەتكىزىلگەن.
«قابىلدانعان ءىس-شارالارعا قاراماستان، ءورت شىققاننان كەيىن 1 ساعاتتان سوڭ العاشقى جارىلىس ورىن الدى. جالپى قۋاتى شاعىن 10-نان استام جارىلىس بولعان. اتالعان بازادا ينجەنەرلىك وق-دارىگەر ساقتالادى. ولاردىڭ ءبىر بولىگى وسىدان ەكى جىل بۇرىن ارىس قالاسىنان جەتكىزىلگەن ەدى»، - دەدى نۇرلان ەرمەكبايەۆ.