جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويماسىنان ءورت شىعىپ، جارىلىس بولدى. بۇل تۋرالى ق ر قورعانىس مينيسترلىگىنەن ءمالىم ەتتى، دەپ حابارلايدى almaty-akshamy.kz
«بۇگىن ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىقتى. ءورت سالدارىنان بەلگىسىز زاتتىڭ جارىلىسى ورىن الدى. ءورتتى سوندىرۋگە ءبولىمنىڭ شىنجىر تاباندى ءورت ءسوندىرۋ ماشيناسى مەن ءورت ءسوندىرۋ كومانداسى جۇمىلدىرىلعان. ولارعا جامبىل وبلىستىق تجد ءورت ءسوندىرۋ بولىمشەلەرى كومەك كورسەتۋدە. ءورت وشاعىن جويۋ جالعاسىپ جاتىر. ءورتتىڭ نەدەن شىققانى انىقتالۋ ۇستىندە»، - دەلىنگەن مينيسترلىك تاراتقان اقپاراتتا.
ۆەدومستۆو مالىمەتىنشە، وقيعا ورنىنا ق ر قورعانىس ءمينيسترىنىڭ ورىنباسارى، گەنەرال-لەيتەنانت رۋسلان شپەكبايەۆ باستاعان قورعانىس مينيسترلىگىنىڭ كوميسسياسى جىبەرىلدى.