اسكەري الپينيستەر «باتىر-پانفيلوۆشىلار» شىڭىن باعىندىردى

الپينيستەر جەتىستىگىن جەڭىستىڭ 77 جىلدىعىنا ارنادى

تاۋ دايىندىعى ورتالىعى نۇسقاۋشىلارىنىڭ كومانداسى «باتىر-پانفيلوۆشىلار» شىڭىن باعىندىردى، دەپ حابارلايدى Almaty-akshamy.kz Baq.kz-كە سىلتەمە جاساپ.

تەڭىز دەڭگەيىنەن 4120 مەتر بيىكتىككە دەيىن جەتەتىن شىڭ ىلە الاتاۋىنىڭ كىشى الماتى شاتقالىندا ورنالاسقان.

اسكەري الپينيستەر بۇل جولعى جەتىستىكتەرىن قازاقستان رەسپۋبليكاسى قارۋلى كۇشتەرىنىڭ 30 جىلدىعى مەن ۇلى وتان سوعىسىنداعى جەڭىستىڭ 77 جىلدىعىنا ارناپ وتىر.

«قارۋلى كۇشتەردىڭ 30 جىلدىعىنا ءبىزدىڭ ەرەن ەڭبەگىمىز!» ۇرانىمەن وتكەن شىڭدى باعىندىرۋ شاراسىنا 18272 اسكەري ءبولىمى كومانديرىنىڭ جاۋىنگەرلىك جانە ارنايى (تاۋ) دايىندىق جونىندەگى ورىنباسارى پودپولكوۆنيك امانجول راحمەتوۆ باسشىلىق جاسادى. 

10 ادامنان تۇراتىن توپتىڭ قۇرامىنا قازاقستاننىڭ تانىمال الپينيستەرى قارۋلى كۇشتەردىڭ اسكەري قىزمەتشىلەرى مايور ماقسۇت جۇمايەۆ، كاپيتان ۆاسيليي پيۆسوۆ، سەرجانت الەكساندر سوفرىگين جانە ت.ب. كىردى.

كاسىبي شەبەرلىگىن تاعى ءبىر رەت دالەلدەگەن الپينيستەر كومانداسى شىڭنىڭ ەڭ بيىك نۇكتەسىنە قازاقستاننىڭ تۋىن تىكتى.