قازىرگى تاڭدا كونستيتۋسيالىق كەڭەس ۇلكەن وزگەرىستەر توپتاماسىن قاراستىرىپ جاتىر. ەلدىڭ اتا زاڭىنا 30-عا جۋىق تۇزەتۋلەر ەنگىزىلدى. بۇل وزگەرىستەر ساياسي جۇيەدەن باستاپ ەلدىڭ قۇرىلىمى وزگەرتۋگە دەيىنگى ماسەلەلەردى قامتيدى.
كونستيتۋسياداعى زاڭدار ازاماتتارىمىزدىڭ ءومىرىن جاقسارتىپ، ءار ادامنىڭ باقىتتى بولاشاعىن قالىپتاستىرۋعا باعىتتالعان. ءبىز ءوزىمىز ءۇشىن عانا ەمەس، ۇرپاعىمىز ءۇشىن شاڭىراعى بيىك، كەرەگەسى كەڭ، تابالدىرىعى بەرىك جاڭا قازاقستاندى قۇرۋعا دايىنبىز. ول ءۇشىن الەۋەتىمىز دە، كۇشىمىز دە، جىگەرىمىز دە جەتەدى. ءبىز تاريحي ساتتەردە ءبىر جەڭنەن قول، ءبىر جاعادان باس شىعاراتىن حالىقپىز. ەندىگى كەزەكتە ساياسي رەفورمالاردى اياعىنا دەيىن جۇرگىزۋىمىز ماڭىزدى. بۇل رەفورمالاردىڭ ءمانى مەن ماقساتىن حالىققا دۇرىس ءتۇسىندىرۋ ورتاق بورىشىمىز.
سەبەبى، كەز كەلگەن تاريحي ءساتتىڭ ورىن الۋى قاشاندا حالىقتىڭ شىنايى قولداۋىنا يە بولعاندا عانا جۇزەگە اسادى. وسى ويىمدى بارلىق ەتنو-مادەني بىرلەستىكتەردىڭ جەتەكشىلەرى قولدايتىنىنا ەش كۇمانىم جوق. سوندىقتان بۇل باعىتتا ەلگە جاناشىر، مەملەكەتشىل، وتانشىل ازاماتتاردىڭ كۇش-جىگەرىن بىرىكتىرۋ قاجەت دەپ ەسەپتەيمىن. اسسامبلەيانىڭ قۇرىلىمدارى مەن مۇشەلەرى الدىڭعى ساپتا بولۋى كەرەك. ءبىز بۇل ماسەلەگە اسسامبلەيانىڭ عىلىمي ساراپشىلىق كەڭەسىنىڭ دە كۇشىن جۇمىلدىرامىز.
اتا زاڭىمىزدىڭ ايبىنى اسقاقتاي بەرسىن، كونستيتۋسيا كۇنى قۇتتى بولسىن!