جەڭىمپازدار داۋىس بەرۋ ارقىلى انىقتالدى
ماراپاتتاۋ استاناداعى قارۋلى كۇشتەردىڭ ۇلتتىق اسكەري-پاتريوتتىق ورتالىعىندا ءوتتى، دەپ حابارلايدى Almaty-akshamy.kz.
8 ناۋرىز مەرەكەسىنە ارنالعان بايقاۋعا اسكەري قىزمەتشى ايەلدەردىڭ ساۋالنامالارى مەن فوتوسۋرەتتەرى بار 50-دەن استام ءوتىنىم كەلىپ تۇسكەن بولاتىن. قورعانىس مينيسترلىگىنىڭ رەسۋرسىنا بايقاۋ شارتتارىندا بەكىتىلگەن تەحنيكالىق تالاپتارعا جاۋاپ بەرەتىن 26 فوتوسۋرەت ىرىكتەلىپ الىندى.
جەڭىمپازدار قورعانىس مينيسترلىگىنىڭ https://instagram.com/modgovkz رەسمي پاراقشاسىندا داۋىس بەرۋ ارقىلى انىقتالدى. «اسكەر ارۋى» فوتوبايقاۋى اسكەري قىزمەتشىلەردىڭ سۇلۋلىعىن عانا ەمەس، سونىمەن قاتار بايقاۋعا قاتىسۋشىلار يگەرگەن ماماندىقتاردىڭ الۋان تۇرلىلىگىن دە كورسەتتى.
باس جۇلدەگە اۋە قورعانىسى كۇشتەرى باس قولباسشىسى باسقارماسىنىڭ باسپا ءسوز حاتشىسى اعا لەيتەنانت اسەم ءابدىرايىموۆا (5،7 مىڭ ءلۇپىل) يە بولدى. ول 2023 جىلعى پرەزيدەنتتىك كوپسايىستان قارۋلى كۇشتەر چەمپيوناتىنىڭ جۇلدەگەرى، سونداي-اق قالالىق ۆولەيبول اۋەسقويلارى ليگاسىنىڭ جۇلدەگەرى اتانعان «Diamond» ۆولەيبول كومانداسىنىڭ كاپيتانى.
لۇپىلدەر سانى بويىنشا تاعى ءۇش ورىن انىقت انىقتالدى. ءبىرىنشى ورىندى اباي وڭىرلىك گارنيزونى اسكەري پوليسيا باسقارماسى اسكەري پوليسيا ءبولىمىنىڭ مامانى ەفرەيتور كاميلا وماربەكوۆا (4،8 مىڭ ءلۇپىل) جەڭىپ الدى. ەكىنشى ورىن قوستاناي وبلىسى رۋدنىي قالاسىنىڭ قورعانىس ىستەرى جونىندەگى ءبولىمىنىڭ ەسەپكە الۋ جانە جۇمىلدىرۋ رەسۋرستارى قىزمەتىنىڭ باستىعى اعا سەرجانت اديا نۇرپەيىسوۆانىڭ (3،2 مىڭ ءلۇپىل) ەنشىسىندە. ءۇشىنشى ورىندى 54380 اسكەري ءبولىمى بايلانىس تورابىنىڭ مامان-مەحانيگى ەفرەيتور ءازيزا ءابدىرايىموۆا (3،1 مىڭ ءلۇپىل) يەلەندى.
جەڭىمپازدار مەن جۇلدەگەرلەر فوتوكونكۋرس اتريبۋتتارى بار ديپلومدارمەن جانە كادەسىيلارمەن ماراپاتتالدى.