جوبا قاتىسۋشىلارىنىڭ جۇمىسىنا وزگەرىستەر ەنگىزىلدى.
ق ر باس مەملەكەتتىك سانيتار دارىگەرى ەرلان قياسوۆتىڭ Ashyq جوباسىن ەنگىزۋگە قاتىستى جاڭا قاۋلىسى جاريالاندى، دەپ حابارلايدى Almaty-akshamy.kz.
اتالعان قاۋلىنىڭ 4-قوسىمشاسىنا سايكەس، Ashyq جوباسىنا قاتىساتىن الەۋمەتتىك-ەكونوميكالىق وبەكتىلەردىڭ قىزمەتىن شەكتەۋ ولشەمشارتتارىنا سايكەس بارلىق وبەكتىلەرىنىڭ جۇمىسىنا: جۇمىس كۇندەرى – Ashyq جوباسىنا قاتىسۋشى بارلىق وبەكتىلەر ءۇشىن ساعات 00.00-گە دەيىن، Ashyq جوباسىنىڭ كوشباسشىلارى ءۇشىن – ساعات 02.00-گە دەيىن؛ دەمالىس كۇندەرى – ساعات 02:00-گە دەيىن، قىزمەتكەرلەر مەن كەلۋشىلەردە «جاسىل مارتەبە» بولعان جاعدايدا (ۆاكسيناسيا، سىناما العان كەزدەن باستاپ 7 تاۋلىكتەن اسپايتىن تەرىس ناتيجەسى بار پتر تەست، تۇراقتى مەديسينالىق قارسى كورسەتىلىمدەرى بار، اۋىرىپ جازىلعان ادامدار سوڭعى 3 اي ىشىندە) Ashyq جوباسىنىڭ كوشباسشىلارى ءۇشىن – ساعات 02:00-گە دەيىن رۇقسات ەتىلەدى.
«وسى تارماقتا كوزدەلگەن «جاسىل مارتەبە» بولۋىنا جانە جۇمىس رەجيمىن شەكتەۋگە قويىلاتىن تالاپ وبلىسارالىق جانە وبلىسىشىلىك تۇراقتى تاسىمالعا، وتەلدەرگە، قوناق ۇيلەرگە، اۋەجايلارعا، تەمىرجول، اۆتوموبيل جانە سۋ ۆوكزالدارىنا، وزنە جانە تەڭىز پورتتارىنا، اۆتوستانسيالارعا/اۆتوموبيل ءوتۋ جولدارىنا، جولاۋشىلارعا قىزمەت كورسەتۋ پۋنكتتەرىنە، ءبىلىم بەرۋ وبەكتىلەرىنە، جوو-عا، كوللەدجدەرگە، ينتەرناتتارعا، ءبىلىم بەرۋ ۇيىمدارىنىڭ جاتاقحانالارىنا قولدانىلمايدى»،– دەلىنگەن.