جوبانىڭ ەرىكتى قاتىسۋشىلارى بۇل جەڭىلدىكتى پايدالانا المايدى.
«قوڭىر-قىزىل» ايماقتاعى Ashyq جوباسىنىڭ قاتىسۋشىلارى ءۇشىن جۇمىس ۋاقىتى 2 ساعاتقا ۇزارتىلدى، دەپ حابارلايدى Almaty-akshamy.kz «اتامەكەن» ۇكپ-نا سىلتەمە جاساپ.
ق ر بمسد 29 شىلدەدەگى №33 قاۋلىسىنا سايكەس، Ashyq جوباسىنا قاتىساتىن كاسىپكەرلىك سۋبەكتىلەرىنە 9 تامىزدان باستاپ ساعات 22.00-گە دەيىن، ال «Ashyq كوشباسشىسى» مارتەبەسى بار وبەكتىلەرگە ساعات 00.00-گە دەيىن جۇمىس ىستەۋگە رۇقسات ەتىلدى.
ەپيدجاعدايدى باعالاۋ ماتريساسىندا «قوڭىر-قىزىل» ايماق ۇعىمىنىڭ ەنگىزىلۋىمەن كوپتەگەن نىساندارعا، سونىڭ ىشىندە Ashyq كوشباسشىلارىنا دەمالىس كۇندەرى جۇمىس ىستەۋگە تىيىم سالىندى. الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى بۇل تىيىم 16 تامىزعا دەيىن ساقتالاتىنىن ناقتىلادى. ءبىراق دەمالىس ەمەس كۇندەرى نىسانداردىڭ جۇمىس ىستەۋ كەستەسى قايتا قاراستىرىلدى.
پرەمەر-مينيستردىڭ ورىنباسارى ەرالى توعجانوۆتىڭ Ashyq جوباسىنا بەلسەندى قاتىساتىن بيزنەس-قوعامداستىق وكىلدەرىمەن كەزدەسۋىندە ادال بيزنەس سۋبەكتىلەرىنىڭ جۇمىس رەجيمىنە قاتىستى بىرنەشە رەت سۇراق قويىلدى.
ۆەدومستۆوارالىق كوميسسيانىڭ كەزەكتى وتىرىسىندا «اتامەكەن» ق ر ۇكپ 9 تامىزدان باستاپ «قوڭىر-قىزىل» ايماقتاعى Ashyq جوباسىنىڭ قاتىسۋشىلارى ءۇشىن جۇمىس كەستەسى بويىنشا ارتىقشىلىقتار بەرۋ ۇسىنىسىمەن شىقتى.
سونداي-اق، كاسىپكەرلەرمەن كەزدەسۋ بارىسىندا الماتىنىڭ باس سانيتارلىق دارىگەرى جانداربەك بەكشين بيزنەس ءۇشىن ونى ادال بولۋعا ىنتالاندىراتىن پرەفەرەنسيالار جاساۋ كەرەكتىگىن اتاپ ايتقان بولاتىن.
«جۇمىس كريتەرييلەرى، پرەفەرەنسيالار مەن بيزنەس-قوعامداستىقتىڭ ۇسىنىستارى تالقىلانعان بارلىق كەزدەسۋلەر ءوز جەمىسىن بەردى، بۇل، ارينە، كەرى بايلانىس بار ەكەنىن بىلدىرەدى. بۇگىنگى تاڭدا الماتى بويىنشا Ashyq جوباسىنىڭ 19450 قاتىسۋشىسى بار، ونىڭ ىشىندە 11208 نىسان - ەرىكتى قاتىسۋشىلار. دەمالىس كۇندەرى «قوڭىر-قىزىل» ايماقتا ورنالاسقان نىسانداردىڭ جۇمىس كەستەسى تۋرالى سۇراقتار سانى ەكى ەسەگە ارتتى. كاسىپكەرلەر ق ر بمسد 29 شىلدەدەگى №33 قاۋلىسىنىڭ ماتىنىندە جۇمىس ۋاقىتى ەكى ساعاتقا ۇزارتىلاتىنىنا اسا ءمان بەردى. ءبىراق قاۋلىنىڭ قوسىمشاسىندا باسقا جۇمىس كەستەسى كورسەتىلگەن بولاتىن. كەلەڭسىز جاعدايلاردى بولدىرماۋ ءۇشىن، 9 تامىزدان باستاپ Ashyq جوباسىنىڭ قاتىسۋشىلارىنا جۇمىس رەجيمى ەكى ساعاتقا ۇزارتىلعانىن رەسمي تۇردە مالىمدەيمىز»، - دەدى الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ.