بۇل وزگەرىس 2023 جىلدىڭ 10 جەلتوقسانىندا كۇشىنە ەنەدى.
اشم جابىق توپىراقتا كوكونىس ءوسىرۋدىڭ تابىستىلىعىن ارتتىرۋ ارتتىرۋ ماقساتىندا باسىم داقىلدار شەگىندە وسىمدىك شارۋاشىلىعىن سۋبسيديالاۋ قاعيدالارىنا ءتيىستى وزگەرىستەر ەنگىزدى. تۇزەتۋلەر ماۋسىمارالىق كەزەڭدە سۋبسيديالاۋ مولشەرلەمەلەرى بويىنشا 1 گەكتارعا شىعىنداردى (ەلەكتر ەنەرگياسى، گاز، كومىر ءۇشىن) سۋبسيديالاۋدى كوزدەيدى، دەپ حابارلايدى Almaty-akshamy.kz
باسىم داقىلداردىڭ تىزبەسىن جانە سۋبسيديالاۋ نورماتيۆتەرىن جەرگىلىكتى اتقارۋشى ورگاندار بەكىتۋى ءتيىس. بۇگىنگى تاڭدا تۇركىستان وبلىسى مەن شىمكەنت اكىمدىكتەرى ونەركاسىپتىك جانە فەرمەرلىك جىلىجايلار ءۇشىن اعىمداعى جىلعا ارنالعان سۋبسيديالاردىڭ كولەمى مەن نورماتيۆتەرىن بەكىتتى.
جاو قابىلداعان نورماتيۆتەر سۋبسيديالاۋدىڭ بiرىڭعاي مەملەكەتتiك اقپاراتتىق جۇيەسiنiڭ (سبماج) بازاسىنا ەنگىزىلدى. وتىنىمدەردى قابىلداۋ 2023 جىلدىڭ 20 جەلتوقسانىنا دەيىن اشىق.
بيۋدجەت قاراجاتىن ءتيىمدى جۇمساۋ، سونداي-اق بارلىق اگروتەحنولوگيالار ساقتالاتىن جىلىجايلاردى قولداۋ ءۇشىن ءوندىرىس تەحنولوگيالارىنا سايكەستىك سەرتيفيكاتىنىڭ (ەسەبىنىڭ) بولۋى مىندەتتى تالاپ بولىپ تابىلادى. ۇلتتىق ستاندارتتى ق ر سيم تەحنيكالىق رەتتەۋ جانە مەترولوگيا كوميتەتى اشم جانە بيزنەس وكىلدەرىمەن بىرلەسىپ ازىرلەدى. ول 2023 جىلدىڭ 1 مامىرىنان باستاپ كۇشىنە ەندى.
2023 جىلعى 1 جەلتوقسانداعى جاعداي بويىنشا 756 ءوتىنىم قابىلدانىپ، فەرمەرلىك جىلىجايلار ءۇشىن 726 سەرتيفيكات بەرىلدى. جۇمىستا 30 ءوتىنىم بار.
سەرتيفيكات الۋ بويىنشا بارلىق سۇراقتار بويىنشا ق ر سيم تەحنيكالىق رەتتەۋ جانە مەترولوگيا كوميتەتىنە حابارلاسۋعا بولادى. ستاندارت new-shop.ksm.kz سايتىندا ورنالاستىرىلعان.
سونىمەن قاتار، اشم ينۆەستيسيالىق سۋبسيديالاۋ اياسىندا جىلىجاي كەشەندەرىن سالۋ جانە كەڭەيتۋ جوبالارىن ىسكە اسىرۋ كەزىندە ۇلەستى 25%-دان 30%-عا دەيىن ارتتىرۋ بولىگىندە ءتيىستى وزگەرىستەر ەنگىزدى.