اسكەري-تەحنيكالىق مەكتەپتىڭ الماتىداعى فيليالىنىڭ 160 كۋرسانتىنا سەرتيفيكاتتار تابىس ەتىلدى.
سونىڭ نەگىزىندە ەgov سايتىنداعى ولاردىڭ جەكە كابينەتىندە اسكەري بيلەتتىڭ ەلەكتروندىق نۇسقاسى پايدا بولادى. اسكەري-تەحنيكالىق مەكتەپ فيليالىنىڭ تۇلەكتەرى تىلدىق جانە تەحنيكالىق قامتاماسىز ەتۋ بەيىنى بويىنشا 40 كۇندىك اسكەري دايىندىق باعدارلاماسىنان ءوتتى، دەپ حابارلايدى Almaty-akshamy.kz.
قورعانىس مينيسترلىگىنىڭ سايتىنداعى اقپاراتقا ساي، ەگەر بيىل فيليال اسكەري تەحنيكاعا قىزمەت كورسەتۋگە جانە جوندەۋگە، دالادا تاماقتاندىرۋدى، زاتتاي قامتاماسىز ەتۋدى جانە مونشا-كىر جۋۋ قىزمەتىن ۇيىمداستىرۋعا بايلانىستى ون ءبىر ماماندىق بويىنشا دايارلانعان بولسا، بولاشاقتا ولاردىڭ سانى اسكەري، سونىمەن قوسا ازاماتتىق سالادا دا 22-گە دەيىن ارتاتىن بولادى.
«اسكەري-تەحنيكالىق مەكتەپتە وقۋ – ازاماتتاردى اسكەري دايارلاۋدىڭ التەرناتيۆتى نۇسقاسى. ءار ءتۇرلى سەبەپتەرمەن ون سەگىز جاسىندا مەرزىمدى اسكەري بورىشىن وتەۋگە شاقىرىلماعان 24-27 جاس ارالىعىنداعى جاستاردىڭ وقۋعا جانە اسكەري بيلەت الۋعا مۇمكىندىگى بار»، – دەپ اتاپ ءوتتى «ق ر قورعانىس مينيسترلىگىنىڭ اسكەري-تەحنيكالىق مەكتەبى» رمقك الماتى فيليالىنىڭ ديرەكتورى زاپاستاعى پولكوۆنيك ميراس جىلگەلدين.
قازاقستان پرەزيدەنتىنىڭ جاستاردى جۇمىسپەن قامتۋ تۋرالى تاپسىرماسى وسىلايشا ىسكە اسىرىلۋدا. اسكەري-تەحنيكالىق مەكتەپتە وقىعاننان كەيىن جاستار كۇشتىك قۇرىلىمدارعا قىزمەتكە ورنالاسۋعا نەمەسە ازاماتتىق سەكتورداعى كومپانيالار مەن ۇيىمدارعا جۇمىسقا ورنالاسۋعا مۇمكىندىك الادى.
«اسكەري-تەحنيكالىق مەكتەپتىڭ وقىتۋشىلار قۇرامىنا وسىنداي وقۋ كۋرسىن ۇيىمداستىرۋدا كورسەتكەن كاسىبي شەبەرلىكتەرى مەن بىلىكتىلىكتەرى ءۇشىن زور العىسىمدى بىلدىرگىم كەلەدى. مۇندا مەن پۋلەمەتشى رەتىندە اسكەري ەسەپ ماماندىعىن الدىم. الداعى ۋاقىتتا الدىما اسكەري قىزمەتشى بولام دەپ ماقسات قويىپ وتىرمىن»، – دەدى كۋرسانت ەراسىل جۇباندىقوۆ.
جەرگىلىكتى اسكەري باسقارۋ ورگاندارىنىڭ وكىلدەرى جىلىنا جەتى رەت اسكەري-تەحنيكالىق مەكتەپتەرگە كۋرسانتتار ىرىكتەۋدى جۇزەگە اسىراتىنىن ايتا كەتكەن ءجون. جىل سايىن بۇل مەكتەپتىڭ الماتى فيليالى 700-دەن اسا ادامدى وقىتىپ شىعارادى.