تاعى 4 جوعارى وقۋ ورنى جانە 29 كوللەدج جابىلۋ ساتىسىندا تۇر.
قازاقستاندا ساپا ستاندارتتارىنا ساي كەلمەگەن وقۋ ورىندارى جابىلىپ، ليسەنزيالارى قايتارىلىپ جاتىر. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتىپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ساپانى قامتاماسىز ەتۋ ءۇشىن باقىلاۋ ەكى باعىتتا جۇرگىزىلەدى. ءبىرىنشىسى – ساپاسىز جوعارى وقۋ ورىندارىن نەمەسە كوللەدجدەردى جابۋ جانە ولاردى ليسەنزيادان ايىرۋ. ەكىنشىسى – جوعارى وقۋ ورنىن نەمەسە كوللەدجدى بەيىندەۋ، بەيىنىنە سايكەس كەلمەيتىن جانە سۇرانىسقا يە ەمەس ليسەنزياعا قوسىمشالاردى قايتارۋ»، - دەدى اسحات ايماعامبەتوۆ ۇكىمەت وتىرىسىندا.
قازىرگى كەزدە تولىعىمەن 15 جوعارى وقۋ ورنى جانە 31 كوللەدج جابىلدى. تاعى 4 جوعارى وقۋ ورنى جانە 29 كوللەدج جابىلۋ ساتىسىندا تۇر. ءمينيستردىڭ مالىمەتىنشە، 61 جوو-نىڭ 500 باعىتى بويىنشا ليسەنزيالارى جانە 375 كوللەدجدىڭ 2200 باعىتىنىڭ ليسەنزيالارى قايتارىپ الىندى.
«تاعى 15 جوعارى وقۋ ورنى مەن 47 كوللەدجدىڭ بەيىنىنە سايكەس كەلمەيتىن ليسەنزيالارى قايتارۋ بويىنشا جۇمىس جۇرگىزىلۋدە. مىسالى پەداگوگتەردى دايارلايتىن جوعارى وقۋ ورىندارىنىڭ سانى 86-دان 50-گە دەيىن ازايسا، زاڭگەرلەردى دايارلايتىن نىساندار 72-دەن 61-گە دەيىن ازايدى»، - دەدى ءبىلىم ءمينيسترى.
ايتا كەتەيىك، كەلەسى وقۋ جىلى ءۇشىن جوعارى وقۋ ورىندارىنا 73 مىڭ، كوللەدجدەرگە 31 مىڭ گرانت بولىنەدى.
قازاقستاندا 50-گە جۋىق ەسكى ماماندىق بويىنشا وقىتۋ توقتاتىلدى جانە بۇرىن بولماعان 60-قا جۋىق ماماندىق اشىلعان.
سونىمەن بىرگە، ەلىمىزدە 2 جىلدا مامان ازىرلەيتىن «قولدانبالى باكالاۆريات» پيلوتتىق جوباسى باستالادى.