قازاقستاندىق مەكتەپتەر قاۋىپسىزدىك تەكسەرىسىنەن وتەدى
ءبىلىم جانە عىلىم ءمينيسترى اسحات ايماعامبەتوۆ ەلدەگى مەكتەپتەردىڭ قاۋىپسىزدىك تەكسەرىسىن جۇرگىزۋدى تاپسىردى، دەپ حابارلايدى Almaty-akshamy.kz
ول ەلوردالىق 58ء-شى مەكتەپ-گيمنازياسىنا انتيۆاكسەرلەردىڭ ەنۋىنە بايلانىستى بولعان وقيعادان كەيىن وسىنداي شەشىم قابىلدادى.
ەستەرىڭىزگە سالساق، بۇعان دەيىن جەلىدە "بالالارعا اتا-اناسىنىڭ كەلىسىمىنسىز ەكپە سالىندى"دەگەن ۆيدەو تاراعان بولاتىن. ەلوردالىق ءبىلىم باسقارماسىنىڭ باسپا ءسوز قىزمەتى بالالاردى ۆاكسينالاۋ تۋرالى اقپاراتتى جوققا شىعاردى. كەيىن انتيۆاكسەر اينا باكەيەۆ جالعان اقپارات ءۇشىن 10 كۇنگە قاماۋعا الىندى.
مينيستر جاعداي تۋرالى دا تۇسىنىك بەردى. ونىڭ ايتۋىنشا، مەكتەپتە ىشكى ءتارتىپ ەرەجەلەرى بۇزىلعان. ول ءبىلىم بەرۋ مەكەمەسى دەر كەزىندە جاۋاپ بەرمەگەنىن جانە الگوريتم بويىنشا شارالار قابىلداماعانىن اتاپ ءوتتى. ورىن العان جاعداي مەكتەپتەردەگى قاۋىپسىزدىك ماسەلەسى تولىق شەشىلمەگەنىن كورسەتەدى. سوندىقتان قاراشانىڭ ەكىنشى جارتىسىندا بۇكىل ەل بويىنشا قوسىمشا تەكسەرۋ جۇرگىزىلەدى.