200 مىڭعا جۋىق شەتەلدىك جسن الۋعا ءوتىنىم بەرگەن
بيىلعى 21 قىركۇيەكتەن باستاپ جەكە سايكەستەندىرۋ ءنومىرىن (جسن) الۋ ءۇشىن 200 مىڭعا جۋىق شەتەلدىك ازامات ءوتىنىم بەردى. بۇل تۋرالى ق ر سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى اسەت تۇرىسوۆ ءمالىم ەتتى، دەپ حابارلايدى قازاقپارات ءتىلشىسى.
«21 قىركۇيەكتەن باستاپ 200 مىڭعا جۋىق ءوتىنىم ءتۇستى. بۇنىڭ ىشىندە بارلىق شەتەل ازاماتتارى بار. مەن جسن بەرۋ تۋرالى ناقتى اقپاراتقا جاۋاپ بەرە المايمىن. مۇندا بيزنەس جۇرگىزگىسى كەلەتىن نەمەسە جۇمىسقا ورنالاسقىسى كەلەتىن كەز كەلگەن شەتەلدىك ازامات بانكتىك شوت اشادى. ول جسن الۋعا مىندەتتى»، - دەدى ق ر سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى اسەت تۇرىسوۆ.