ۇيىمداسقان قىلمىسقا قارسى كۇرەس بويىنشا ءىس-شارالار جالعاسۋدا.
ۇقك اسا ءقاۋىپتى 15 قىلمىستىق توپتى ۇستادى، دەپ حابارلايدى Almaty-akshamy.kz
"2023 جىلى ۇقك پوليسيا ورگاندارىمەن بىرلەسىپ 15 اسا ءقاۋىپتى ۇيىمداسقان قىلمىستىق توپتىڭ جولىن كەستى. ءتىنتۋ كەزىندە توپ مۇشەلەرىنەن اتىس قارۋى، اقشا، ەسىرتكى زاتتارى مەن ولاردىڭ قۇقىققا قايشى ارەكەتتەرىنىڭ وزگە دە زاتتاي دالەلدەمەلەرى الىندى"، - دەلىنگەن حابارلامادا.
كوميتەت تاراتقان مالىمەتكە قاراعاندا، جالپى كىسى ءولتىرۋ، توناۋ، بوپسالاۋ، قاراقشىلىق جانە باسقا اۋىر قىلمىستار جاسادى دەگەن كۇدىكپەن 98 ادام ۇستالىپ، ولاردىڭ 40-ى سوتتالعان.
قالعاندارىنا قاتىستى ءالى سوتقا دەيىنگى تەرگەۋ جۇرگىزىلىپ جاتىر. ۇيىمداسقان قىلمىسقا قارسى كۇرەس بويىنشا ءىس-شارالار جالعاسۋدا.
بىلتىر 22 جەلتوقساندا ۇلتتىق قاۋىپسىزدىك كوميتەتى شەتەلگە ۇشىپ كەتپەك بولعان راديكالدىڭ ۇستالعانى جونىندە اقپارات تاراتقان ەدى.