قازاقستان رەسپۋبليكاسىنىڭ باس پروكۋراتۋراسى قازاقستان ازاماتىن اسا ءىرى كولەمدە الاياقتىق جاساعانى ءۇشىن قىلمىستىق جاۋاپكەرشىلىككە تارتۋ ماقساتىندا قىرعىز رەسپۋبليكاسىنان ەكستراديسيالادى، دەپ حابارلايدى aqshamnews.kz.
كۇدىكتى 2023 جىلى الماتىدا جەلدەتۋگە ارنالعان بولشەكتەر مەن كونديسيونەرلەردى جەتكىزەمىز دەگەن سىلتاۋمەن كاسىپكەردىڭ 75 ميلليون تەڭگەدەن استام قارجىسىن جىمقىرعان.
قىلمىس جاساعاننان كەيىن الاياق قاشىپ كەتكەن، سول سەبەپتى وعان حالىقارالىق ىزدەۋ جاريالانعان. وسى جىلدىڭ مامىر ايىندا ول بىشكەك قالاسىندا ۇستالىپ، ودان كەيىن قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا وتانىنا ەكستراديسيالاندى.
قازىرگى ۋاقىتتا كۇدىكتى الماتى قالاسىنىڭ ۋاقىتشا ۇستاۋ يزولياتورىنا قامالدى.
ايىپتالعان قىلمىس ءۇشىن مۇلكى تاركىلەنىپ، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.