قورعانىس مينيسترلىگىنىڭ ارىس قالاسىنداعى اسكەري بولىمىندە كەلىسىمشارتپەن جۇمىس ىستەيتىن ەفرەيتور ءوز باسىنان ءوزى اتىپ، اۋرۋحاناعا ءتۇستى، دەپ حابارلايدى aqshamnews.kz.
وقيعا 16 قىركۇيەكتە بولعان. د. ت.، ەسىمدى ازامات ارىس قالاسىنىڭ ورتالىق اۋداندىق اۋرۋحاناسىنا جەتكىزىلگەن.
«16 قىركۇيەكتە تاۋلىكتىك كەزەكشىلىكتى اتقارۋ كەزىندە ارىس گارنيزونى اسكەري بولىمدەرى ءبىرىنىڭ كەلىسىمشارت بويىنشا اسكەري قىزمەتشىسى تراۆماتيكالىق قارۋدان باسىنان جاراقات الدى. الدىن الا اقپارات بويىنشا كەلىسىمشارت بويىنشا اسكەري قىزمەتشى وتباسىلىق-تۇرمىستىق جانجال اياسىندا وز-وزىنە قول جۇمساماق بولعان. ول اۋداندىق اۋرۋحاناعا جەتكىزىلدى. وعان بارلىق قاجەتتى مەديسينالىق كومەك كورسەتىلىپ جاتىر. قازىرگى ۋاقىتتا دەنساۋلىق جاعدايى تۇراقتى-اۋىر دەپ باعالانىپ وتىر. ومىرىنە ءقاۋىپ ءتونىپ تۇرعان جوق»، - دەپ مالىمدەدى قورعانىس مينيسترلىگى.
جاراقات الۋ فاكتىسى بويىنشا قىلمىستىق ءىس قوزعالىپ، تەرگەۋ ءىس-شارالارى جۇرگىزىلىپ جاتىر.