2022 جىلعى 18 ناۋرىزدا الماتى قالاسى اۋداندارى اكىمدىكتەرىنىڭ مەردىگەرلىك كاسىپورىندارى ارىق جەلىلەرى مەن ارىق وتكەلدەرىن تازالادى، دەپ حابارلايدى Almaty-akshamy.kz
سۋ باسۋدىڭ الدىن الۋ جانە جويۋ ءۇشىن اۋدان اكىمدىكتەرىمەن 650 جول جۇمىسشىسى، 266 بىرلىك ارنايى تەحنيكا جانە 24 موتوپومپا جۇمىلدىرىلدى، 2000 قۇم سالىنعان قاپ دايىندالدى. جۇمىس ناتيجەسىندە 4،5 توننا قوقىس پەن تۇنبا شىعارىلدى.
ناۋرىز ايىندا باستالعان جاڭبىر كەزىندە كەزدەيسوق تۇرمىستىق قوقىستاردىڭ جينالۋىنا، وتكىزۋ قابىلەتىنىڭ تومەندىگىنە، ديامەترلەرىنىڭ ازدىعىنا جانە جولداردىڭ ءجۇرۋ بولىگى استىنداعى جەراستى ارىق وتكەلدەرىنىڭ اقاۋلارىنا، جول توسەمىنىڭ وپىرىلۋىنا، سونداي-اق قاراما-قارسى ەڭىستەر مەن تۇيىق ارىق جەلىلەرىنە بايلانىستى ارىقتاردان نوسەر سۋلارىنىڭ قۇيىلۋ جاعدايلارى تىركەلدى.
تجد مالىمەتىنشە، 18 ناۋرىز كۇنى ساعات 18:00-دەگى جاعداي بويىنشا 23 سۋ تاسقىنى تىركەلدى: ولاردىڭ 8ء-ى راستالمادى، 7 جويىلدى، قالعان 8 ۋچاسكە بويىنشا جۇمىستار جالعاسۋدا.