ول قوردىڭ ءتۇرلى جوبانى جۇزەگە اسىرىپ جاتقانىن ايتتى
بالا قۇقىقتارى جونىندەگى ۋاكىل ارۋجان ساين «قازاقستان حالقىنا» قورىنىڭ قامقورشىلىق كەڭەسىنەن شىعۋ تۋرالى شەشىم قابىلدادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ونىڭ ايتۋىنشا، قور باسشىسى سايدا تاۋكەليەۆا دا وسىنداي شەشىم قابىلداعان.
«بۇگىن «قازاقستان حالقىنا» قورىنىڭ قامقورشىلىق كەڭەسىنىڭ وتىرىسىندا مەن قامقورشىلىق كەڭەستەن شىعۋ تۋرالى شەشىم قابىلدادىم. مۇنداي شەشىمدى سايدا تاۋكەليەۆا دا قابىلدادى. مەملەكەت باسشىسى قاسىم-جومارت كەمەل ۇلى توقايەۆقا سەنىمى ءۇشىن جانە قامقورشىلىق كەڭەس مۇشەلەرىنە بىرلەسكەن جۇمىسى ءۇشىن زور العىسىمدى بىلدىرەمىن»، - دەپ جازدى ساين Facebook-تە.
ول قوردىڭ ءتۇرلى جوبانى جۇزەگە اسىرىپ جاتقانىن ايتتى. 142،5 ملرد تەڭگەنىڭ 14،6 ملرد تەڭگەسى يگەرىلدى (سايتتاعى ەسەپكە سايكەس).
«سونىمەن بىرگە، قامقورشىلىق كەڭەستىڭ جەكەلەگەن مۇشەلەرى مەن باسقارما اراسىندا قامقورشىلىق كەڭەس وتىرىستارىنا شىعارىلاتىن جوبالاردى، ولاردى ىسكە اسىرۋ نىساندارىن دايىنداۋ جانە نەگىزدەۋ بويىنشا جەكەلەگەن ماسەلەلەر بويىنشا قور جۇمىسىن ۇيىمداستىرۋدىڭ ءارتۇرلى كوزقاراسى بار. ەگەر باسقارماعا مەنىڭ كومەگىم قاجەت بولسا، مەن «قازاقستان حالقىنا» قورىنا كومەكتەسۋگە دايىنمىن جانە بۇل ءۇشىن قوردىڭ قامقورشىسى بولۋىم مىندەتتى ەمەس»، - دەپ جازدى ومبۋدسمەن.
سونداي-اق، ول قازاقستانداعى بالا قۇقىقتارى جونىندەگى ۋاكىل بولىپ قالا بەرەتىنىن ايتتى.