82 جاستاعى فۋتبوشى قاتەرلى ىسىكپەن كۇرەسىپ جاتىر
82 جاسىندا قاتەرلى ىسىكپەن كۇرەسكەن برازيليالىق فۋتبولشى پەلە وتباسىمەن جانە دوستارىمەن قوشتاسا باستادى، ويتكەنى ونىڭ جاعدايى وتە ناشار. بۇل تۋرالى بريتاندىق كاسىپكەر، سپورت مەنەدجەرى فرانك حاليد مالىمدەدى، دەپ حابارلايدى Almaty-akshamy.kz ازاتتىق رۋحى سايتىنا سىلتەمە جاساپ.
"پەلە اۋرۋحانا توسەگىنەن وتباسىمەن جانە دوستارىمەن قوشتاسادى. فۋتبول اڭىزى پەلە قاتەرلى ىسىككە قارسى كۇرەستە باياۋ جەڭىلىپ جاتىر. وتباسى ونىڭ جاعدايى ودان ءارى ناشارلاپ بارا جاتقانىن ايتادى"، - دەپ جازدى ول Twitter-دە.
سونداي-اق، جەلىدە پەلەمەن قوشتاسۋعا دايىندىق تۋرالى بەينە تاراتىلدى. بىرىكتىرىلگەن كادرلاردا برازيليالىق سپورتشى بەينەلەنگەن ۇلكەن التىن قوراپ بار. 24 جەلتوقساندا la Notícia باسىلىمى حابارلاعانداي، سانتوس قالاسىنداعى ۆيلا بەلميرو ستاديونىندا تابىتقا ۇقساس قۇرىلىم جينالادى.
"ستاديوندا ۇلكەن اق شاتىر ورناتىلدى جانە ونىڭ ورتاسىندا تابىت تىرەگىنە وتە ۇقساس قۇرىلىم بار. پەلەنىڭ فوتوسۋرەتتەرى مەن مۇسىندەرى دە كەلىپ، شاتىردىڭ ىشىنە اپارىلادى"، - دەپ حابارلادى باسىلىم.
پەلەنىڭ دەنساۋلىعىنىڭ ناشارلاعانى تۋرالى 21 جەلتوقساندا ونىڭ ەمدەۋشى دارىگەرلەرى حابارلادى. ولار فۋتبولشىنىڭ قاتەرلى ىسىگىن ەمدەۋدەگى تەرىس ديناميكانى كورسەتتى.
29 قاراشادا 82 جاستاعى پەلە جوسپاردان تىس اۋرۋحاناعا جاتقىزىلدى. وعان جالپى دەنە ءىسىنۋى، سونىڭ ىشىندە دەكومپەنساسيالانعان جۇرەك جەتكىلىكسىزدىگى دياگنوزى قويىلدى.
پەلە - برازيليا قۇراماسىندا ءۇش دۇركىن الەم چەمپيونى اتانعان فۋتبولشى. حالىقارالىق فۋتبول فەدەراسياسى ونى حح عاسىردىڭ ۇزدىك فۋتبولشىسى دەپ تانىدى. سپورتشىنىڭ شىن اتى – ەدسون ارانتيس دۋ ناسيمەنتۋ.
ول - ويىنشى رەتىندە ءۇش رەت الەم چەمپيونى اتانعان الەمدەگى جالعىز فۋتبولشى. بۇل 1958، 1962 جانە 1970 جىلدارى بولدى. 1966 جىلعى الەم چەمپيوناتىندا برازيليا كومانداسى توپتان شىعا المادى. برازيليا قۇراماسى ءۇشىن ول 92 ماچ وتكىزىپ، 77 گول سوقتى.