اrtsport پلاتفورماسىنىڭ فۋنكسيونالىنىڭ جۇمىسىندا دا ەلەۋلى ولقىلىقتار انىقتالدى
الماتى قالاسىنىڭ پروكۋراتۋراسى اrtsport باعدارلاماسى ارقىلى بالالاردىڭ سپورتتىق جانە شىعارماشىلىق تاپسىرىستارىن قارجىلاندىرۋ كەزىندە زاڭدىلىقتىڭ ساقتالۋىنا تەكسەرۋ جۇرگىزۋدە، دەپ حابارلايدى Almaty-akshamy.kz.
2021 جىلدىڭ مامىر ايىنان باستاپ الماتىدا باعدارلامانى جۇزەگە اسىرۋعا 12،8 ملرد تەڭگە ءبولىندى.
پروكۋرورلىق تەكسەرۋدىڭ الدىن الا ناتيجەلەرى ءبىرقاتار زاڭ بۇزۋشىلىقتاردى انىقتادى.
بيۋدجەت قاراجاتىن جىمقىرۋ بويىنشا قىلمىستىق سحەمالار انىقتالدى. اتاپ ايتقاندا، ەلدەن تىس جەردە، اۋرۋحانادا بولعان جانە سەكسيالار مەن ۇيىرمەلەرگە مۇلدەم قاتىسپاعان 2000-نان استام بالاعا ورىندالعان جۇمىستار اكتىلەرى ۇسىنىلدى. وتكىزىلگەن ساباقتاردىڭ سانى 5000-نان اسادى.
تەك 935 اrtsport قاتىسۋشىسى ءىس جۇزىندە سپورت مەكتەپتەرىندە اينالىسادى.
بالالارمەن جۇمىس ىستەيتىن، بۇرىن سوتتالعان جانە ءتۇرلى قىلمىستار ءۇشىن جاۋاپقا تارتىلعان 13 جاتتىقتىرۋشى انىقتالدى.
بۇل رەتتە ەڭبەك شارتتارىن جاساسپاعان، زەينەتاقى اۋدارىمدارى جۇرگىزىلمەگەن جاتتىقتىرۋشىلاردىڭ وزدەرىنە قاتىستى دا ەڭبەك قۇقىقتارىن بۇزۋعا جول بەرىلەدى.
اتالعان فاكتىلەر بويىنشا قالا پروكۋراتۋراسى الاياقتىق فاكتىسى بويىنشا قىلمىستىق ءىس قوزعادى.
ءبىرقاتار ماتەريالدار پروسەستىك شەشىم قابىلداۋ ءۇشىن قىلمىستىق قۋدالاۋ ورگاندارىنا بەرىلدى.
بۇدان باسقا، اrtsport پلاتفورماسىنىڭ فۋنكسيونالىنىڭ جۇمىسىندا دا ەلەۋلى ولقىلىقتار انىقتالدى. ول مەملەكەتتىك ورگانداردىڭ اقپاراتتىق جۇيەلەرىمەن بىرىكتىرىلمەگەن، بالالاردىڭ دەربەس دەرەكتەرى قورعالماعان، باسقا دا كەمشىلىكتەر بار.
قازىرگى ۋاقىتتا مامانداردى تارتا وتىرىپ، تەكسەرۋ جۇرگىزىلۋدە.