كوكشەنىڭ سۇلۋ تابيعاتىندا تالايدى تامساندىرعان قىلقالام شەبەرلەرى باس قوستى.
Art talk جوباسىنا 21 شەبەر قاتىسىپ جاتىر، دەپ حابارلايدى Almaty-akshamy.kz «حابار 24»-كە سىلتەمە جاساپ.
ولار اقش، كورەيا، موڭعوليا، وزبەكستان جانە ەلىمىزدەگى ءبىرقاتار ايماقتان كەلگەن. سۋرەتشىلەر بۋرابايدىڭ ءاربىر تاۋى مەن تاسىنا تامسانىپ، قيالعا ەرىك بەرىپ، ءوز تاجىريبەلەرىمەن بولىسپەك. ۇيىمداستىرۋشىلاردىڭ ايتۋىنشا، مۇنداعى باستى ماقسات – قازاقستاننىڭ عاجاپ تابيعاتى مەن تامىرىن تەرەڭنەن الاتىن تاريحىن پاش ەتۋ. ايتا كەتكەن ءجون، حالىقارالىق شارا ەلىمىزدە العاش رەت وتكىزىلىپ جاتىر.
"جەتى كۇن بويى وسى بۋراباي كۋرورتتىق ايماعىندا ەڭ تاماشا كەرەمەت جەرلەرمەن تانىسادى. لوكاسيا تاڭدايدى. جەتى كۇن بويى ءوزىنىڭ قازاقستانعا ارنالعان تۋىندىلارىن سالادى. قورىتىندى كورمە 21 ماۋسىمدا ۇلتتىق مۋزەيدىڭ تورىندە ۇيىمداستىرىلادى"، - دەدى ق ر ۇلتتىق مۋزەي ديرەكتورىنىڭ ورىنباسارى نازگۇل قادىرىمبەتوۆا.
"ينستالياسيا جاساۋ ءۇشىن مەن ءتۇرلى زاتتاردى قولدانامىن. ماسەلەن، شىنجىر، ارقان، جىبەك جانە بولتتان ەرەكشە تۋىندى جاسايمىن. مەن التى جىلدان بەرى وسى سالادا ءجۇرمىن. جۋىردا كورەيانىڭ ءداستۇرلى قاعازىن پايدالاناتىن بولدىم. مەن قازاقستانعا العاش رەت كەلىپ تۇرمىن. مۇنداعى تابيعات، مادەنيەت پەن تاعامىن بايلانىستىرا وتىرا، ينستالياسيا جاساۋدى جوسپارلاپ وتىرمىن"، - دەيدى سۋرەتشى-ينستاللياتور دجۋ گون.