"ارسەلورميتتال تەمىرتاۋ" كومپانياسى قاراعاندىلىق كاسىپورىنعا 2 ملرد 610 ملن تەڭگە قارىز.
ناتيجەسىندە فابريكانىڭ قىزمەتى توقتاپ، 200-گە جۋىق ادام جۇمىسسىز قالدى، دەپ حابارلايدى Almaty-akshamy.kz.
"مايقۇدىق قق "ءسۇ" - 2022 جىلى ءوڭىر بويىنشا "سەنىمدى سالىق تولەۋشى" جانە "سەنىمدى ءوندىرۋشى” نوميناسيالارى بويىنشا ۇزدىك دەپ تانىلعان كومپانيا. كومپانيا قۇرىلىمىندا جەر قويناۋىن پايدالانۋشى وزگە دە كاسىپكەرلىك سۋبەكتىلەرى بار.
2022 جىلعى 17 تامىزدا "مايقۇدىق قق "ءسۇ" ج ش س مەن "ارسەلورميتتال تەمىرتاۋ" اق اراسىندا №4600025567 كەلىسىمشارت جاسالدى.
2022-2023 جج. "KAZ فەرريت" ج ش س وندىرىلگەن كومىر كونسەنتراتىن “ارسەلورعا” وسى كەلىسىمشارت شەڭبەرىندە جونەلتىپ وتىردى. “امت” اق تاراپىنان كونسەنتراتتىڭ ساپاسى، جەتكىزۋ مەرزىمى نەمەسە شارتتىڭ باسقا تالاپتارى بويىنشا بىردە ءبىر ەسكەرتۋ بولعان جوق. كەلىسىمشارت 2023 جىلدىڭ 31 جەلتوقسانىنا دەيىن جاسالعانىنا قاراماستان، “امت” اق كونسەنترانت الۋدى ماۋسىم ايىنان باستاپ ەشقانداي ءتۇسىندىرۋسىز توقتاتتى.
بۇل جاعداي "KAZ فەرريت" فابريكاسىنىڭ قىزمەتىن توقتاتۋعا، سالىق اۋدارىمدارىن كەشىكتىرۋگە، جۇمىسسىزدىققا الىپ كەلدى. (كاسىپورىندا "سامۇرىق قازىنا ينۆەست" ج ش س ارقىلى مەملەكەتتىڭ دە ۇلەسى بار).
“ارسەلورميتتال تەمىرتاۋ” اق ءقازىر شەتەلدەن كومىر كونسەنتراتىن ساتىپ الىپ وتىر. ال جوعارى ساپالى جانە قاجەتتى كولەمدە ءونىم شىعاراتىن وتاندىق زاۋىت جابىلعالى تۇر.
سونداي-اق، “ارسەلورميتتالتەمىرتاۋ” كومپانياسى 33 توننا كونسەنتراتتى ساتىپ العانى ءۇشىن 2 ملرد 610 ملن تەڭگە قارىز.
"اعىمداعى جىلدىڭ شىلدە ايىنان باستاپ كاسىپورىن ءوز قىزمەتىن توقتاتۋعا ءماجبۇر بولدى. بارلىق ۇجىم اقىسىز ەڭبەك دەمالىسىنا جىبەرىلدى. زاۋىتتىڭ جابىلۋى ەكى جۇزدەن استام جۇمىسكەر مەن ولاردىڭ وتباسىلارىنىڭ ماتەريالدىق ءال - اۋقاتىنا كەرى اسەرىن تيگىزەدى، كوپتەگەن جۇمىسشىلاردىڭ نەسيەلەرى بار"، - دەيدى "Kaz فەرريت" ج ش س ديرەكتورى كوپبايەۆ بەكجان ومىربەك ۇلى.
"امت” اق تاۋار جەتكىزىلگەن كۇننەن باستاپ 25 كۇنتىزبەلىك كۇن ىشىندە تولەم جۇرگىزۋگە مىندەتتى. مەرزىمى وتكەن بەرەشەك تۋرالى جۇيەلى تۇردە حاتتار جىبەرىلدى. بەرەشەكتى ەرىكتى تۇردە وتەۋدەن باس تارتقان جاعدايدا، سوتقا تالاپ-ارىزبەن جۇگىنەتىنىمىز تۋرالى حات جولدادىق"، - دەيدى "مايقۇدىق قق" ءسۇ " ج ش س ديرەكتورى دۋلات نۇرعالي ۇلى نۇرعالييەۆ.
"ونەركاسىپتىك ساياسات تۋرالى" زاڭعا سايكەس، مەملەكەتتىڭ ىنتالاندىرۋ شارالارىنىڭ ءبىرى ىشكى نارىقتى قولداۋ، وتاندىق ءوندىرىستى دامىتۋ بولىپ تابىلادى.
كاسىپورىن ۇجىمى مەملەكەت بۇل جاعدايعا شۇعىل ارالاسۋى ءتيىس دەپ ەسەپتەيدى. "ارسەلورميتتال تەمىرتاۋ" اق قازاقستاندىق قامتۋ تۋرالى نورمالاردى ورىنداپ، وتاندىق وندىرۋشىلەردى قولداۋى ءتيىس.