الماتى قالاسىنىڭ تۋريزم باسقارماسى الماتى حالىقارالىق اۋەجايىمەن جانە ق ر ۇقك شەكارا قىزمەتىمەن بىرلەسىپ، قالاداعى تۋريستىك تاجىريبەنى جاقسارتۋ اياسىندا ازىرلەنىپ، جاڭارتىلعان ۇشۋ ايماعىن تانىستىردى.
پاسپورتتىق باقىلاۋ ايماعىنداعى كابينالار الەمنىڭ توعىز تىلىندە: قازاق، ورىس، اعىلشىن، اراب، جۇڭگو، فرانسۋز، يتاليان، تۇرىك جانە كارىس تىلىندە امانداساتىنداي جابدىقتالعان، دەپ حابارلايدى Almaty-akshamy.kz.
«سالەمدەسۋ» ءداستۇرىنىڭ تامىرى تەرەڭدە، ول ادامزات قوعامىنىڭ قالىپتاسۋىنىڭ باستى بەلگىسىنىڭ ءبىرى. بازا رەتىندە قالا مەن ايماقتىڭ ەڭ تانىمال ءارى ادەمى تۋريستىك ورىندارى تاڭدالدى. پاسپورتتىق باقىلاۋ ايماعىن جاڭارتۋ ءار قوناققا قازاقستاننىڭ قوناقجايلىعىن سەزىنىپ قانا قويماي، ءبىزدىڭ قالا تۋرالى تۋريستىك تاجىريبەنى (visitor experience) جاقسارتادى»، - دەدى الماتى قالاسىنىڭ تۋريزم باسقارماسى.
ءارى ءتۋريزمدى دامىتۋ تۇجىرىمداماسى اياسىندا قالادا ءبىرىڭعاي كوممۋنيكاسيا مەن ناۆيگاسيانى ەنگىزۋ بويىنشا جۇمىستى جالعاستىرۋ جوسپارلانعان. قازىرگى تاڭدا قالا قيىلىستارىندا 52 اقپارات جاڭارتىلدى. كارتادان قوسا ولار تانىمال تۋريستىك ورىندارعا باعىتتاردى ۇسىنادى.
