تەرگەۋ ءۇشىن ارنايى كوميسسيا قۇرىلدى.
«ارسەلورميتالل تەمىرتاۋ» اق-نىڭ ەكى باسشىسى ءتورت جۇمىسشىنىڭ قازا بولۋىنا بايلانىستى قاماۋعا الىندى. بۇل تۋرالى قاراعاندى وبلىسىنىڭ پوليسيا دەپارتامەنتى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر قك-نىڭ 277-بابىندا كوزدەلگەن قىلمىس جاسادى دەگەن كۇدىك بويىنشا جينالعان ماتەريالداردى ەسكەرە وتىرىپ، جۇمىس قاۋىپسىزدىگىنە جاۋاپتى ەكى باسشى ۇستالدى. 19 ماۋسىمدا تەمىرتاۋ تەرگەۋ سوتى اتالعان ادامدارعا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن سانكسيالادى»، - دەپ حابارلادى قاراعاندى وبلىسى پوليسيا دەپارتامەنتىنىڭ باسپا ءسوز قىزمەتى.
ۆەدومستۆودان مالىمدەگەندەي، تەرگەۋ ءۇشىن ارنايى كوميسسيا قۇرىلدى، ولار وندىرىستەگى كىسى ولىمىنە بايلانىستى ىسپەن اينالىسادى.
«قىلمىستىق ءىستى تەرگەۋ بارىسىندا كاسىپورىن قىزمەتكەرلەرى، ونىڭ ىشىندە وندىرىستەگى قاۋىپسىزدىك تەحنيكاسى ءۇشىن جاۋاپتى ادامداردان جاۋاپ الىندى»، - دەپ اتاپ ءوتتى پوليسيا دەپارتامەنتىنەن.
ەستەرىڭىزگە سالا كەتەيىك، 2022 جىلدىڭ 10 ماۋسىمىندا «قۇرىلىسمەت» ج ش س («امت» اق ەنشىلەس كاسىپورنى) سەحىنىڭ جۇمىس ىستەمەيتىن № 9 تەرميالىق پەشىندە وتقا ءتوزىمدى قالاۋدى بولشەكتەۋ كەزىندە شاتىر وپىرىلىپ قۇلاعان بولاتىن.
ناتيجەسىندە بەس جۇمىسشى ۇيىندىلەر استىندا قالدى. ولاردىڭ تورتەۋى مەرت بولدى، بىرەۋى اۋرۋحاناعا جەتكىزىلدى.