ءبىراق بۇل رەجيمنىڭ مەديسينالىق مەكەمەلەرگە قاتىسى جوق.
ارمەنيانىڭ دەنساۋلىق ساقتاۋ مينيسترلىگى كوروناۆيرۋسقا بايلانىستى ەپيدەميالىق جاعدايدىڭ جاقسارۋىنا وراي جابىق ءۇي-جايلاردا مىندەتتى ماسكا رەجيمىنە قويىلاتىن تالاپتى جويۋ تۋرالى شەشىم قابىلدادى، دەپ حابارلايدى Almaty-akshamy.kz تاسس اگەنتتىگىنە سىلتەمە جاساپ.
«جابىق ءۇي-جايلاردا بەتپەردە كيۋدىڭ مىندەتتى تالابى جويىلدى، تەك مەديسينالىق مەكەمەلەرگە بۇل ەرەجەنىڭ قاتىسى جوق. قالعان بارلىق جابىق ءۇي-جايلاردا ماسكانى قاجەتىنشە ءار 3-4 ساعات سايىن اۋىستىرىپ وتىرۋ ۇسىنىلادى. وزگەرىس رەسمي جاريالانعاننان كەيىن كەلەسى كۇنى كۇشىنە ەنەدى»، - دەلىنگەن مينيسترلىكتىڭ حابارلاماسىندا.
سوڭعى 14 كۇندە بۇل ەلدە كوروناۆيرۋس ينفەكسياسىن جۇقتىرعان 11 775 جاعدايى تىركەلدى، بۇل اقپان ايىنىڭ باسىنداعى كەزەڭمەن سالىستىرعاندا 69%-عا از. سوڭعى 14 كۇندە وسىعان دەيىنگى 37،9% بولعان كوروناۆيرۋستى انىقتاۋ تەستىنىڭ وڭ ناتيجەسى 18،1% بولدى.